المساعد الشخصي الرقمي

مشاهدة النسخة كاملة : بعد جيتنا ياصالح


الحازم
18-09-2003, 08:49 PM
هلا مرحبا والنار ماتاكل النار = وعين تدل الدرب تعرف خطاها
بعد جيتنا ياصالح كبار وصغار = تبادلك بالترحيب من مستواها
وينبع ترى دارك كما هي لنا دار = وسكانها اخوانك وتعرف وفاها
نبا نكتب الديوان في قدرك اشعار = عساها توازي في جميلك عساها
ونعطيك من كيف البلد بن وبهار = ونصرف لك الماجوب واللي وراها
فداك العيون اللي توارت عن الكار = وفدتك القلوب اللي كرمها كساها
وهذي طبايعنا على كل الاقطار = شهد بالحقيقه من سمعها وقراها
وعذرا على التقصير لو كان ماصار = ولكن سحاب الصيف غطى سماها



وتقبل تحيات اخوك / الحازم
سعد الهلــــولي
21-09-2003, 01:57 PM
وينبع ترى دارك كما هي لنـا iiدار
وسكانها اخوانك وتعـرف iiوفاهـا
نبا نكتب الديوان في قدرك iiاشعـار
عساها توازي في جميلك iiعساهـا

ابداع يدل على شاعرية الحازم
ويستاهل التميمي
تقديري للجميع
ترحيب بالتميمي واعجاب بالحازم
ضمن السناني
21-09-2003, 02:25 PM
أولاً/ أحب أن أرحب بعودة أخي الغالي الحازم حيث افتقدنا ابداعه منذ فترة طويلة جداً

ثانيا/ قصيدة في غاية الروعة ويستاهل أبوعبيد وصح لسان الحازم

حياك الله ياالحازم00000حياك الله ياالحازم00000حياك الله ياالحازم
الحازم
21-09-2003, 08:05 PM
اخوي سعد الهلولي

اخوي ضمن السناني


اشكركم جزيل الشكر على تواصلكم وردكم

وننتظر رد الشاعر صالح التميمي

وعسى الله ان يديم عليكم الصحه والعافيه

وتقبلوا تحياتي وتقديري
صالح التميمي
24-09-2003, 09:28 PM
أخي الحبيب الحازم حفظه الله ورعاه
السلام عليكم ورحمة الله وبركاته وبعد :
عندما قرأت قصيدتك احترت ماذا أكتب ؟ وبماذا أرد ؟وأنا أعلم أنني مهما عبرت ومهما قلت فلن أوفيك حقك ، ولكن وجدت نفسي مضطرا للرد احتراما
وتقديرا لك ، وإلا فأنا لست شاعرا ولن أصل إلى ماذكرت في قصيدتك ، وأخذت أكثر من حقي ، ومع هذا لك مني خالص الشكر والتقدير على هذه
الأبيات الجميلة والرائعة ، والتي لن أصل إلى مستواها ،ومستوى قائلها ،
وإليك ردي راجيا ممن قرأ الأبيات غض الطرف عن ضعيفها ، والصفح عما فيها
من زلل :


يا الحازم أبا اشكرك ياطيب الكـــار
بأبيات ورفق لك تحية معــــاها
أنت وجميع اللي سكن ينبـــع الدار
دارٍ يشوف الخير منه نصـــــــاها
داٍر لها بالقلب منزل ومـــــــــــقدار
ومن أجل أهلها زاد عندي غلاها
دار الكرم والجود والربع الاخيـــــار
ربعٍ فعايلهم بعالـــــــــي سماها
مثلك عسى وجهك يحرم على النار
وصحبٍ برفقتهم ترانا انتباهــــى
يا اهل الوفا والطيب مع زين الذكار
تاريخكم يشهد لكم في عـــــلاها
ماقلتها كاذب ولانيب ثرثـــــــــــار
هذي فعايلكم وهـــــــــذا سناها
ولا بد يالغالي نخصك بمــــــسيا ر
ولي الشرف شوف الرجال ولقاها

مع تحياتي : محبك : صالح التميمي
الحازم
26-09-2003, 12:35 AM
اخوي صالح التميمي

الف شكر على هذا الرد الرائع

والذي يدل على شاعريتك وقوة معانيك

قصيده جزله وشاعر جزل

يعطيك الله الف عافيه يالقرم

وتقبل تحياتي وتقديري
صالح السناني
26-09-2003, 06:30 AM
الله يديم المعرفه بين الاجــــــواد = اللي على طيب النبا مجتمعهم



شاعرالغربه :صالح السناني
الحازم
28-09-2003, 08:32 PM
يعطيك الله الف عافيه اخوي صالح السناني

على التشريف والرد

وتقبل تحياتي وتقديري