محاورة مع الداعم ـ خليل

[خليل]

خـــلــــيــــل =
كلّ الفـؤاد التوجـد فيـه = وملّ الورق يجمع حروفـه
حتى الخبر لاوصل اخفيـه = وإذا سأل قلت ما اشوفـه
الـــــداعــــــم =
لك حق كل الـذي تبديـه = لجل الهوى مصعب ظروفه
اللي شكى والـذي يبكيـه = واللي معه مكثر حسوفـه
خـــلــــيــــل =
ياكم جيته هـوى والفيـه = ليت الرجل عنـه مكفوفـه
يطريه شوقي وله وانفيـه = كيف امنع القلـب مألوفـه
الـــــداعــــــم =
كم أحفظه وأكتبه وأمحيـه = وأنشد عنه ناس معروفـه
قالت طبيب الهوى ممديـه = ولاله روشتات موصوفه..
خـــلــــيــــل =
حار الجفا فيه لا يجافيـه = يستشعر القلب من خوفـه
وفي ثنينها الحزن متقفيـه = طفل الهوى ضاع مصروفه
الـــــداعــــــم =
يتيم طفل الهـوى تدريـه = يسعى مع الدّرب ويطوفـه
وماهو غريب الذي تحكيه = لا انشق ثوبه مع كتوفـه
خـــلــــيــــل =
لاتكبّه اليوم مـا تكافيـه = وتعطف على الحال وتروفه
اشرح له الوضع عن خافيه = مادام يصفق على كفوفـه
الـــــداعــــــم =
كيف أتركك يالـذي نغليـه = وغالـي القلـب مكلوفـه
أما رجا حيث مـا ترجيـه = ولا تقانـع عنـه عوفـه
ويصحابـنـا سامحـونـا =