غصنين نبغى لها تكميل

[أبو سفيان]

اتصل بي أحد الإخوة من جدة يسألني عن أجواء ينبع ؛؛ ويقصد أجواء الحر والصيف فقلت له على البديهة:



الجو في الليل ياشينه= ونهارنا شمس ما تنطاق
؟؟؟؟؟؟؟؟؟؟؟= ؟؟؟؟؟؟؟؟؟؟


قال هذه يبغى لها غلاق.. قلت هات الغلاق .. قال انشرها في المنتدى وعندكم ما شاء الله شعراء المجالس ما يعتاز ...
وهاهي بين أياديكم لعلها تناسب الذوق والمزاج لتكملوها .

[المعلم]

الجو في الليل يا شينه = ونهارنا شمس ما تنطاق
والماء ترى تم تقنينه = والكهرباء تضيق الأخلاق

[فيصل معتوق الأحمدي]

الجو في الليل ياشينه=ونهارنا شمس ماتنطاق
ومن كان يبغى مودينه = مايمنعه جوها الحرّاق
أبو أســــــــــــــــامه=


تحيتي

[أحمد الدبيش]

الجو في الليل ياشينه = ونهارنا شمس ماتنطاق
لكننا نشوف يازينه = ولافيه مثله على الاطلاق

[الرحال]

الجو فالليل ياشينه=ونهارنا شمس ما تنطاق
والأمر لله شاكينه=يهون علينا من الحراق


عايش صالح الأحمدى
الرحال

[أبو سفيان]

أحبابي الأعزاء شعراء المجالس المحترمين مع حفظ الألقاب والصفات :
المعلم
فيصل معتوق الأحمدي
أحمد الدبيش
الرحال
لكم مني خالص الشكر على تفاعلكم مع الكسرة وقد أسعدتني جدا هذه الردود والغلاقات الجميلة
بتنوع آفاقها وتوجهاتها ...دمتم على الود والمحبة .