إلى العم أحمد عطا قاضي مع التحيه

[وليد فران]

عظيم ردك على الأمثال=و ردك ترى ماأقبل إبداله
سلام يا مدرس الأجيال=يا معاصر القيل و أجياله
تسمح أوجه عليك إسأل=و تفيد قلبي على اسأله
اللي خسر كل راس المال=يسألك وش عاد يبقاله ؟
تحيتي=

[أحمد عطا]

الابن وليداليك مع التحيه

ترحيب قدره قدر ماقال=غيري وغيرك قبل قاله
لان للقيل فيه رجال=تمشي على منهج رجاله
لايهمك المال مهما زال=المرء لاينشغل باله
إلا العمر ماينول بدال=راعيه مهما كثر ماله