هجينيات غزلية

[عاشق حزن]

دقيت باب الهوى بالطار=بالخمس بانت مضاريبه
نابان مخلف ظبي الدار=ريف المعاطيش يا طيبه
ظليت حاير وهو محتار=وده وانا مثل ودي به
لولاه جنة ودونه نار=ما شق راع الهوى جيبه
اقفيت ساند وهو حدار=مدري وش الله يسوي به
واكبر غبني ثلاث ادوار=مقطوع ما قام حظي به
والله لولا الحيا والعار=واخاف الانجاس تدري به
لاقول نو بمزنه سار=غزلان رامه تفلي به
ياما بحكم الهوى يندار=يدير قلبي واغني به
منزل هوى ما عليه ستار=هبايب الريح تومي به
يا ليت قلبي عنه صبار=ودواه عندي واعيي به
ولا كتب لي وكتبت اسطار=ما كني افرح واهلي به




يا عنق ريم فريد وحوش=توه بسن الجهل ناشي
اقبل يدوش الضماير دوش=كنه يوطي على جاشي
وعيون نجلٍ يهوشن هوش=دهشٍ وهو بالسكر ماشي
يقود خيل الهوى وجيوش=ولا هيب الاقدار تنهاشي
يا زين لك ضامري مفروش=وارخص لك الروح ببلاشي
يا ريحة العنبر المرشوش=يا حصةٍ بيد قماشي
يا ليت حظي ينوشه نوش=مثل المسجل على الماشي
عليه قلبي يديره بوش =حله من العقل وانحاشي



هجينيات لأحد شعراء عنيزه ومن أعيانها :عبدالعزيز بن ابراهيم السلَيم رحمه الله تعالى


نقلتها لكم من احد المنتديات

تحيتي