خواطر

[الناحي]

من قال حتى نهار العيد=احساس قلبي يروح هناك
ابغى انتهي والجروح تزيد=قلي عسى الطب في فتواك
================================================== ======
ودعتك الله ياعمري=حلم انتهى والحقيقه وين
للان محتار في امري=ضحكتك والا دموع العين
================================================== =======
لو يقدر الظلم يتكلم =كانه صرخ ذا الفتي يكفيه
مخلوق من شان يتألم=وين العدل حضروا قاضيه
================================================== ======
ياكم عانيت فالماضي=من هم من غم من تجريح
واليوم في بعدهم راضي=لاياجبل مايهزك ريح
================================================== ===

[الهرم الينبعاوي]

الى الاخ الكريم / مناحي
اهلاً ومرحباً بك في هذا المنبر ( منتدى المجالس الينبعاوية )
واهنئ انفسنا بانضمامك الينا لكلامك الجميل والرائع وانما يذل ذلك على ذوقك الرفيع
كما اتمنى منك المزيد من الروائع اللتي نفتقدها كثيراً
تقبل تحياتي وتقديري لشخصك الكريم

[الناحي]

الاخ العزيز\الهرم الينبعاوي
فرصه سعيده اننا نكون موجودين في نفس الوقت واقلك مساك الله بالخير
اما عن الترحيب فليس غريب على امثالك هذا الكرم وخليني اقلك انت من اسباب اشتراكي في المجالس بعد متابعتي لما تكبت واعجابي الشديد به
على فكره اسمي الناحي وليس مناحي

[ابومديده]

اخوي الناحي لك مني جزيل الشكر على هذي الخواطر او ( الزهورات )
وبصراحه ودون مجامله هذا قمة الابداع
وانا على علم بان لديك الكثير
وارجو تزويدنا من الكسرات القديمه
وللمعلوميه انا من اشد المعجبين بكسرتك فالتوقيع لما تحمله الكسره من حكمه وجمال

اللي مضى بكتفيبه درس=تبقى معانيه للأتي
اموت واحيا بعزة نفس=ولاساوم الناس في ذاتي

على فكره انا ارسلت لك على الخاص والظاهر انك لم تتطلع على الرسايل
والله يالناحي الفضل لله ثم لاخوك ( ابوسلطان ) اللي له الفضل بعد الله في تسجيلي في هذا المنتدى العريق والكبير
وبهذي المناسبه رغم انها جات متأخره مبروووووووك لابوسلطان الترقيه والنقل الى مدينة ( جده )
وسوف ازف التهاني لابوسلطان عن طريق قسم ( الف مبروك )
اخوك الشاعر المتواضع / ماجد ابومديده

[الناحي]

اخي العزيز\ماجد
مهما كتبت او قلت لن اوفيك حقك ويمكن انا شهادتي فيك مجروحه لانك من الروح وفيها لكن حروفك تتحدث عن نفسها تسلم لنا اخ وعزيز