هذه الكسرة أرسلها الشاعر أحمد عطا قاضي من القاهرة

[أبو سفيان]

في كل مرة يغادر فيها الشاعر أحمد عطا ينبع متجها صوب القاهرة
نجده يحن لجلسات أحبابه وأصدقائه في مجلس الشرم
فيداعبهم بكسرات جميلة وراقية قد يكون الهدف الأساسي منها
التواصل والحضور الذهني ولا يخلو الكلام من تجاذبات البوح والشكوى مثل ما
نلحظه في هذه الكسرة التي وردتنا للتو من العاصمة المصرية .




سلام فيه الوفا مجمل = للجمع واضح من خطابي
محفوظ نصه ولايهمل = مطبوع فالقلب وكتابي
أفرح به الليل لا أقبل = وأزعل منه من أثر مابي
ولا بان نور النهار أزعل = وأرجع مع الليل وحسابي
ياذات الأفكار كيف أعمل = مابين قلبي وأحبابي
منكم إذا ما وصلني حل = لاتسألوني عن غيابي

أخوكم / أحمد عطا قاضي =

[أبو فياض]

مع الشكر لاستاذتا ابو سفيان
وللشاعر الفذ ابو تاج على تواصله

[
ترحيب للوافي الامثل=مضمونه الود واعجابي
عطره ندى لونه المخمل=طعمه عسل شهد منسابي
من يجهل الليل لاسترسل=واغشى على مبهج وصابي
ذاك يتمنى يكون اطول=وليل المجاريح ارهابي
وانت على مانرى افضل= من حي في ديرته رابي
ولابد عن شخصكم نسال=لو غبت لاجهز اركابي

[البندر]

هذه الرسالة وصلتني من الشاعر فيصل فران


شكرا للأستاذ أبوسفيان على مشاعره وكلماته العذبة
وعرض كسرة الغالي أبو تاج عبر هذا المنتدى العزيز على قلوبنا
والتحية للأستاذ الشاعر أبوفياض على التواصل والمردود الرائع
ونيابة عن أحباب أبو تاج في مجلس الشرم اقول :


للي من القاهرة يسأل = مني نيابة عن أصحابي
ترحيب كله عبير وفل = ماهو على مثلكم غابي
عن حالة الهم مايجهل = كلا نصيبه ومنصابي
ونت بطول الصبر لاتمل=خلي شعاع الامل رابي
ون لزّم الامر واستفحل=يحضرلك الجمع نوابي
ويهنى بقرب الخليل الخل =هذا طلبهم ومطلابي
فيصل فران =

[المعلم]

حفظ الله شاعرنا القدير أحمد عطا قاضي (خالنا الغالي)
وننتظر عودته بالسلامة إن شاء الله
وشكرا لكل من تداخل معه على الردود الجميلة
شكرا مشرفنا العام أبو سفيان

[صالح محسن الجهني]

مع أطيب التحية والتقدير للجميع ولأستاذنا أبو سفيان والشاعر الكبير العم أحمد عطا وكم هي رائعة هذه الأغصان الرائعة من أرض الكنانة .. صح لسانك يا بو تاج وصح لسان أصحاب المراديد الرائعة استاذنا ابو فياض والشاعر القدير فيصل فران .

ترحيب مثل المطر منزل=لأحمد عطا يشمل اصحابي
على جناح الوفا ينقل=للقاهرة وأعلن اعجابي
بالوقت يوم الحياة أفضل=ما ثمنت ماضي اتعابي
يا ضايق الصدر ويش أجمل=من الصبر في وقتنا الهابي
اعط الزعل يا بو تاج أشكل=والله له الأمر توابي
والحل والليل ما طول=ليالي ينبع ما تنعابي
ليالي ينبع ولا تسأل=اجمل وفيها الزهر رابي
احييتها من زمان أول=بالحرف والموقف النابي
أبو محسن=
شكرا يا بو سفيان وتقبلوا والجميع فائق التقدير والإحترام

[أبو عماد]

مع الأشواق لأبو تاج
من بين ماسطره واشكل= بحروف من ريحة ترابي
جات المكاتيب يا أكمل = من صاحبي وصلت أصحابي
أشوف في وردها الاجمل =أحمر وردي وعنابي
وأحس من عطرها المبتل = ما حرّك الدمع بأهدابي
يامجرب الود ما تجهل = الود في قلوبنا رابي
ومابين حلّه وما ينحل = ما صك دون الرجا بابي

[خليل]

سلام فيه الوفا مجمل = للجمع واضح من خطابي
محفوظ نصه ولايهمل = مطبوع فالقلب وكتابي
أفرح به الليل لا أقبل = وأزعل منه من أثر مابي
ولا بان نور النهار أزعل = وأرجع مع الليل وحسابي
ياذات الأفكار كيف أعمل = مابين قلبي وأحبابي
منكم إذا ما وصلني حل = لاتسألوني عن غيابي

أخوكم / أحمد عطا قاضي =
[/QUOTE]


ترحيب وافي معي يكمل = بوجود نخبه من اصحابي
والكل منهم قرأ المرسل = واتفاعل الرد وإسهابي
الليل ياما منه يحصل = وفي دلجته يظهر الغابي
خلك على رغبتك اجمل = ومع جيته دور الصابي
من قلب يرتاح للمأمل = مابين سلبي وإجابي
تنبيك الأشواق ماتحمل = والموج ياخذك جنابي
مع تحياتي =