من روائـــع الشاعره (وحيدة السعوديه)

[أديب الشبكشي]

لم ترضني ذائقتي بسماع قصيدة أو قصيدتين فقط عبر برنامج شاعر المليون لشاعرة
قلما نجد كشاعريتها
قلما نجد امرأة تتلفظ وتتغنى شعراً بالمفردات البدوية الأصيلة التي قد تأتي بها بعض
الشاعرات البدويات ولكن ليس بهذا الزخم ،فرغم ثقافتها الملحوظة لم تتنحى بها تلك
الثقافة عن الطريق الذي انتهجته لها عبر تمسكها بعاداتها البدوية الأصيلة ووضع
بصمة واضحة المعالم في ساحة الشعر النبطي الأصيل فوصلت إلينا ولم يحجبها الحجاب
والغطاء اللذان افتخرا بها أيضا ،
إنها بلا شك (وحيدة السعودية ) الشاعرة /عيده العروي الجهني
فبحثت عن روائع أخرى من روائعها واتيت بهذه القصيدتين
:: أرجوا أن تنال إعجابكم::

( الليالي بخيله )




بَرْقٍ بَرقْ بالشّرق عينـي تخيلـه=وش لي ببرق الشّرق وأنا شمالي
إن سال مافيّـض علـيّ بمسيلـه=وإن رحت يمّه هيّمن به جمالـي
ليش آترجّـى واللّيالـي بخيلـه=وأنا عن المطلوب تقصر حبالـي
آخير لي صبـرٍ توالـه جميلـه=من ميّ وجهٍ عند الأنذال سالـي
لو ذلّنـي وقتـي فلانـي ذليلـه=أشيل عسرات الحمـول الثّقالـي
ماعنـد مثلـي طلبـةٍ مستحيلـه=لو دون حقّي رحت ماالعمر غالي
والله مانـي عنـد نفسـي قليلـه=لو قلْ عند النّاس عِـزّي ومالـي
كم واحـدٍ مالـه يعبّـي شليلـه=مير الرّدى به من عمام وخوالـي
عوّدت نفسي مجلـسٍ بالطويلـه=لين احشموني طيّبيـن الرّجالـي
من حارب الدّنيا تجي له حليلـه=ومن نام عنها ورّثتـه الخمالـي
والوقت بوقاتـه تصيّـد عميلـه=لزمٍ يـذوق حرابهـا والنّصالـي
وما كلْ حيٍ فرحته تستـوي لـه=حتّى تجي قبل السّمان الهزالـي
جرّبت بالدّنيا علـى كـلْ حيلـه=ودرست تدريسٍ يفوق احتمالـي
ليما شربت بكـل درب إتعليلـه=وتركت طامنها لروس الطّوالـي

( أطلال)




قمت أتطرّى مامضى من حياتـي=أيّـام راحـن كنّهـن الحلـومـي
وعضّيت بالنّيبان زاهـي شفاتـي=ولولا الحيا شقّيت ضافي هدومـي
جـداي كـلّ عصيـر بالنّايفاتـي=آقف وأهيّض عبرتي بالرّجومـي
كنّا جميـع ولا نخـاف الشّتاتـي=تضحك لنا دنيا السّعـاده وتومـي
ونفوسنـا فـي لعبهـن لاهياتـي=وصيّور ساعات الصّفا ماتدومـي
ذيك القصور وعمدهـا العالياتـي=اليوم في درب القوافل رسومـي
أطـلال نبكيهـن وهـن باكياتـي=عقب البلابل مسكـنٍ للرّخومـي
وقفت فيهن فـوق متنـي عباتـي=ونشدت غزلان السّهل والحزومي
ورفعت عن وجهي ثقيل الغطاتـي=لو إنْ ماهـي طبعنـا والسّلومـي
سـلام يـادارٍ بـهـا ذكريـاتـي=تسليم حيٍّ من هـواك إمحرومـي
أرسلت طرفي بالنّظر واعْبراتـي=تغشى عيوني من كثير الهمومـي
أبكي ودمع العين حِبـر الدّواتـي=والطّرس خدّي والقوافي علومـي
شفت الملاعـب عقبنـا خالياتـي=ماكنْ ربعي دوّجوا بـه وقومـي
ولا كنْ صفـر دلالنـا فايحاتـي=أيضاً ولا عشنا بها نصف يومـي
وزروعنـا بعروشهـن ذاوياتـي=تلعب عليهن ذاريـات السّمومـي
أوّل علـى غدرانهـن ناضراتـي=نتعب وحنّا في حماهـا نحومـي
وإن هبّ نسناس الهـوا مايلاتـي=مثل العذارى ناقشـات الوشومـي
واليوم صارن في حشاي احْسراتي=غصّات نفسي من بلاهـا تهومـي
دوّر بهـن وقـتٍ قليـل الثّباتـي=وأبدى عليهـن باللّيالـي ثلومـي
والله مافيـنـا رديّ الصّـفـاتـي=أيضاً ولا فينـا قليـل العزومـي
مير اللّيالـي طبعهـن غادراتـي=والحرّ نفسه من غثاهـا تشومـي
أشكي على الله مالحـيٍّ شكاتـي=والنّاس فيهـم ظالـمٍ وإمظلومـي
وأنا الزّمن والنّاس وأهلي عداتـي=ماعاد فيني مضـربٍ للسّهومـي
ما أدري خطا بالنّاس والاّ بذاتـي=حيث إنْ نفسي طامحه للنجومـي
لوعشت ماتملك يمينـي عصاتـي=أحسن من المنّه وحَبْ الخشومـي

تقبلوا تحياتي