(لاتكون مبعد لهذا الحد) إبداع محمد احمد الدبيش

[ابومديده]

جرت هذه المحاوره يوم امس الأحد 13/5/1424 بين كلآ من الشاعر الشاب والمبدع / محمد الدبيش والشاعر المتواضع / ماجد ابومديده

الدبيش
الود كملي عنه مِبعد=مخلف معه كل خطوط السير
لكنه القلب متمرد=يتبع هوى اللي معاه نحير
ابومديده
عاداته القلب يتعمّد=إحراجنا يامقدْر خير
مالم نجاريه يامحمد=عن مسلك الود كيف يدير
الدبيش
ياما نصحته وعني يصد=لايطُب في باحة التغزير
وانا مابين الجزُر والمد=عكّرمعي رايق التفكير
ابومديده
مالي ومالك فحكمه يد=لجله علينا حكم ومدير
مادام برق الأمل يرعد=فمخايلُه مالكم تخيير
الدبيش
جس المعاني معي وإرصد=والأن باغي عليا تشير
لاتكون مِبعد لهذا الحد=مادام عندي لكم تقدير
ابومديده
يابادع القاف هاك الرد=من عندنا بأجمل التعبير
محررُه والملا يشهد=ومسطرُه فالورق تسطير
مادام وصل الأمُر للعِند=فأمر الهوى ماحصل تغيير
خليك راعي صبر وإجمْد=لين الفرج ينكتب ويسير
ويصحابناسامحونا

[محمـد الدبيش]

الأخ العزيز / ماجد أبو مديدة

أشكرك جداً .... ودايماً سبّاق

لكن هناك تصحيح في الغصن الثاني من المشتكي حيث أنه كالتالي

( مخلف معه كل خطوط السير )

كذلك الغصن الثالث ( لكنه القلب متمرد )

كذلك الغصن الأول من المردود الثالث ( ياما نصحته وعني يصد )

أرجو منك أو من المشرفين تعديله

[ابومديده]

اخي محمد اقسم لك بالله ان الخطا الاملائي غير مقصود ولااعرف كيف فاتت عليا رغم اني راجعت الكلام بعد كتابته مره واثنين وثلاثه
اخي محمد ارجو ان تقبل اسفي اكررها ارجو ان تقبل الاسف
لعل الاخ المشرف ان يقوم بالتعديل لانه الان له حق التدخل في تحرير الموضوع
والله ماني عارف ايش اقلك ولكن وبرغم تلك اللاخطاء المطبعيه يبقا محمد الدبيش هو المبدع ( وفعلا العين ماتعلا على الحاجب )
تكفا يابواحمد انت اخ وعزيز
اخوك الشاعر المتواضع/ ماجد ابومديده

[محمـد الدبيش]

أخي العزيز ماجد

إنت أخ وعزيز واللي فيك مخبور واللي فالقلوب معروف وأنا ما أزيد عنك في شي ومايحتاج تتأسف لأني أنا ما أعرفك من اليوم أو أمس واللي بينا أكبرمن كذا وصدقني أنا كتبتها كملاحظة فقط لا أكثر ولا أقل واللي عندي عندك و بين يدك وأنا قلت أكيد أنه خطأ مطبعي .

أخوك / محمد الدبيش



ـــــــــــــــ
لقد تم التصحيح وشكرا للجميع

مشرف القسم

[المـرزم]

:):) :) ياسلام يا سلام :):):)