المساعد الشخصي الرقمي

مشاهدة النسخة كاملة : السلام عليكم.. كسره الى العموم


الغانمي
12-07-2003, 12:49 PM
سلام ياللي وصلك القاف = وقف ابشرح لك الموقـف
انا اشتكي كامل الأوصاف = جاهل وياقل مـا يعـرف
دايم يعاملنـي بإجحـاف = وانا اللذي من هواه ارجف
يجوز القى قليل انصـاف = والعين من دمعها تـذرف
الغانمي
15-07-2003, 06:28 AM
مافي رد؟؟
أبو سفيان
15-07-2003, 06:41 PM
لا تستعجل يا الغانمي 00 الكسرة جميلة وتستاهل من يرد عليها 00
وين أهل المراديد يا شباب وين الهرم الينبعاوي وخضر حداد ؟؟؟؟
ابومديده
23-07-2003, 03:29 PM
الاخ الغانمي
السلام عليكم ورحمة الله وبركاته وبعد
ارجو ان تقبل ردنا المتواضع على كسرتك الجميله لعله ينول استحسانك
واتمنى ان تقبله نيابة عن الاخوه الاعضاء اذ اني متأكد بانهم لو شاركو في المراديد لاقنعوك اكثر واكثر ومتأكد ايضآ عن مقدرتهم التي لاشك فيها بالرد ولكن لاندري عن الضروف
والمعذره على التأخير

ابومديده
يامرحبا بك ثلاثه أضعاف=وأضعاف ماتشرح وتوصف
تشكي من الود والميلاف=وإنت الذي له متلْهِف
وتقول عِرفُه على مهياف=جاهل وحد الجهد فالعِرف
في طبنا مالكم إسعاف=إلا عن ملايمُه تخلف

نكررعذرنا بالنسبه للتأخير في الرد
الهرم الينبعاوي
24-07-2003, 05:43 PM
عذراً اخي الغانمي
عذراً استاذي ابوسفيان
والحقيقة لم اطلع على الموضوع الا اليوم بعد ان نبهني له احد الاصدقاء المتابعين لهذه الصفحة .
واكرر اسفي واعتذاري على التأخير في الرد

واخيراً هذا الرد من الاخ خضر حداد
ترحيب في اول الميقاف = واسعى معك فالأمر وأشرِف
مسكين قلبك عشق سياف = خالي من العطف مايعطف
راعي جهل ماعليه خلاف = معذور مهما معك يخلف
والود فيه الاسى اصناف = جايز يعذب وماينصف
وللجميع تحياتي واشواقي
الغانمي
31-07-2003, 11:00 PM
مرحبا اخوي ابو سفيان

الف شكر على مرورك اخوي والشباب ما قصرو وفيهم الخير

اخوك

الغانمي
الغانمي
31-07-2003, 11:02 PM
هلا بك اخوي ابو مديده

اسم كبير ويشرفني انك رديت على كلامي اخوي

الف شكر وكفيت ووفيت اخوي والله لا يهينك

اخوك

الغانمي
الغانمي
31-07-2003, 11:04 PM
هلا وغلا يالهرم

كفيت ووفيت اخوي والله لا يهينك والف شكر على ردك الجميل
المطرفي
03-08-2003, 04:10 AM
يامرحبا والقلوب تخاف "=" من ناس تنحب ولا تعرف
مجبور يالصاحب الميلاف"=" بالصبر لازم بلاك يخف
واما المعامل ترى صفصاف "=" بين المواليف ولاله عرف
واما دواكــم يالصــــحاف "=" صبراً على جفوهم يلطف