وجه المهب

[جابر العلوني]

السلام عليكم ورحمة الله وبركاته..

أقل ما يمكنني تقديمه لجهينة العريقة..

التي اثقلت انجازاتها كاهل التاريخ العربي..

( مع فائق الاحترام والود والتقدير لكافة القبائل )



الشعر في وجه المهب والقاف في راسه لهب=ابا اتنومس واوقد الابيات وابري حالها

فوق الطويله باعتلي وامدح عزيزين النسب=اللي يزلزل شامخ الضلعان ذكر ابطالها

حنا جهينة من قضاعه راس من روس العرب=نسل الصحابه والمهابه ناصبين جبالها

زكا نسبنا الهاشمي ثم فضله فيما كتب=عنه البخاري فالصحيح اللي حفظ منزالها

في معركة بدر واحد ضدينا جيش ابو لهب=وفي فتح مكه الف فارس كابدوا اهوالها

منا فدائي الرسول ابن انيس اللي جلب=راس الكفر ساعة تحصن بين شوس رجالها

حنا جهينة عزوة ابن غنيم فكاك النشب=عفو المساجين انكتب باسباب نخوه قالها

اللي طمع فينا نشب واللي بغا الغاره عقب=مايدري انا قوم شينه لا تكدر بالها

نارد من حياض المنايا لا تغشتنا الركب=نطرب على صوت المدافع لا انسحب موالها

بالمعركه لامن تعزوا رجل منا واعتصب=تهتز اراضيها غضب تمطر عذاب خيالها

غرنا على تجهيزة الالمان واحدثنا العجب=بقيادة الشيخ الرفاعي حالها يرثالها

وحنا هل الهجن الاصايل والمكارم والشبب=واصل الشجاعه والقناعه نرتكز في جالها

عز الخوي اللي رماه الموج في بحر العتب=زبن الدخيل اللي جذب فرسان من مدهالها

ابخلنا من شاف الكرم اطيب من عقود العنب=واضعفنا لو يلقى الحمول بمثل رضوى شالها




إضغط هنا للإستماع الى القصيدة (http://up.johina.net/up/13604/johinah.wav)

وهنا لحفظها بصيغة الجوال (حجم صغير) (http://up.johina.net/up/13604/johinah1.zip)

وهنا للقيام بحفظها بجودة عالية (http://up.johina.net/up/13604/johinah.zip)


محبكم/

جابر سعد الجهني[/quote]