أهدا وخل السعة بالك

[ابو فواز]

اهدا وخل السعة بالك=ماتدري اليوم وش يقفاه
واصبرعلى كل ما جالك=ولاتراعي اللي خطأ ممشاه

[ابن عاطي]

يامثمن الجيل نصغالك=وكل الذى تكتبه نقراه
معدود واحد من رجالك=ولى حرف كل البشر تخشاه

[ابو فواز]

يامرحبا فيك وامثالك=رايتك بيضاء وفي يمناه
والله مايكبك لحالك=صلاح وقت اللزم تلقاه

[ابن عاطي]

ابوي شاهد على افعالك=وعن موقفك والذى سواه
جودك وعن باقي خصالك=والطيب ماننكره والله

[ابو فواز]

كل الأدب جم في رسالك=وساسك على الطيب من مبداه

حراً ولد حر منزالك=والحر يعرف مدى مرماه

[ابن عاطي]

فالبر والبحر نسعالك=والجو نسعى ولا نخشاه
غمرتنى بلطف اقوالك=واحرجتني ياعزيز الجاه
ويصحابنا سمحونا=

[ابو فواز]

أخي الفاضل ابن عاطي
شكراً لأعتراضك الكسرة وردود الجميلة عليها نالت اعجابي وهذا من طيبك حفظك الله لاتحرمنا وجودك ومداخلاتك الجميلة دمت بكل ود ورمضان كريم

[عبدالإله الشريف]

الله الله

ياشاعرنا القدير أبو فواز

مبدع ومتجدد دائماً وتأتي بكل ماهو جميل لاعدمناك ولاعدمنا إبداعك

وصح لسانك ولسان ابن عاطي

ودمتم بألف خير . . .

[ابو فواز]

الله الله

ياشاعرنا القدير أبو فواز

مبدع ومتجدد دائماً وتأتي بكل ماهو جميل لاعدمناك ولاعدمنا إبداعك

وصح لسانك ولسان ابن عاطي

ودمتم بألف خير . . .

الأخ الشريف عبد الإله الشريف
كل عام وأنت بخير وشكراً على المداخله وهذا من حسن ذوقك ومن تشجيع
الطيبين من امثالك دمت بكل ود