الشـــــــــــــــــــــــــــــاعر الجهني

[غريب الدار]

اخي الجهني

السلام عليكم ورحمة الله وبركاته

أخي اسلم عليك صديق الحميم وهو من أعطاني العنوان وتراه

غالب علي جدا
سلام رده للرجال أعذب من النبع الزلال=ردة وفا لأصحابنا الجهنان تأصل وافيه
موج البحر لأنه صفق في شرم ينبع والجبال=ضاع أبو مقبل بين موجه والرياح العاتيه

[المدرق بالله]

اسمع انت يابدوي ياللي جاي من عند الحلال
مايسير تكبنا واقفين وتسلم على الصفوف اللي واقفه
انت تعرف ان دمك سار حلال
نشربه والا نقلى به بطاطس ناشفه


تم منع المدرق من الكتابة في المجالس الينبعاوية ولاحول ولاقوة الابالله بناء على طلب اخي غريب الدار واقراو مشاركته ان شئتم. ابوعبدالله

[غريب الدار]

الأخ / المدرق بالله

اولأً / انت وش عرفك بأصول الشعر وعلوم الرجال يا0000

ثانياً / مجالس الينبعاويه وألف نعم بها علوم رجال والسلام يشملهم


جميعاً أما أنت يا 0000000فأطلب من المشرف شطبك لأنك عاراً

على أهل ينبع000قم بس 00قم

ولا يشرفني السلام عليك أيها 0000

والقافلة تسير وال0000 تنبح

[الجهني]

الأخ الشاعر / غريب الدار حفظه الله
السلام عليكم ورحمة الله وبركاته وبعد
أولاً / أهلاً بك بين أخوانك ضيفاً عزيزاً على المجالس الينبعاوية حللت أهلا ونزلت سهلاً وحياك الله على الرحب والسعة وطالما وصلت الى المجالس الينبعاوية ثق تماماً بأنك لست غريب الدار وانما أصبحت من أهل الدار فأهلاً وسهلاً بك وبأهل الشمال ومثل ماقيل أهل الشمال كرام الرجال 0
ثانياً / آسف على التأخير الذي حصل مني في الرد لأنني كنت مسافر وبعد وصولي كنت مرتبط مع أحد الأصدقاء في مناسبة 0
ثالثا/ بلغ سلامي وتحياتي للأخ ضمن السناني المتواجد حالياً في دياركم بالشمال 0
رابعاً / استلم
=======


دام البقا ياللي تسلم من على حدود الشمال = ترحيبة باهل الوفاء تضفي عليهم ضافية
موج البحر لنه صفق ماظن يلقى له مجال = يلقى الحدود الثابته وسط الجبال الراسية


تقبل تحياتي وتقديري
===========
اخوكم الجهني

[غريب الدار]

هلا اخوي الجهني والنعم والله انا عارف ان اخوي ضمن ما يعرفني

الا على رجال وشعراء فاهمين وانت تراه موصيني عليك

اما عن اخباره فقد اتصال قبل يومين من قريه الخريبا وبقي اخباره

لا اعلم عنها شيء
يا صاحب اصحابي ترى موج البحر صعب المنال=مير انتبه قدام لا تفتش علوماًخافيه
في جمة البير الغزير الدلو راحت والمحال=يومك على جنب البحر تفداك عيناً غافيه

[الحازم]

اخواني الأعزاء

الجهني وغريب الدار

اشكركم على هذه المحاوره

واتمنى التواصل

اخوي غريب الدار

الف شكر على انضمامك لهذا المنتدى الرائع

والف شكر لجلب اخبار شاعرنا واخينا العزيز ضمن السناني

وحياك الله بين اخوانك

وتقبل احترامي وتقديري

اخوك / الحازم

[غريب الدار]

هلا بالحازم

وترى اخوي ضمن يقولي انك شاعر ماانت بسهل

والحمد لله اني كسبتك صديقي انت والجهني ولا يهونون الاخوان في

ينبع

وتقبل تحياتي

[الجهني]

حياك الله أخي الحازم وأشكرك على التعقيب

اخي غريب الدار أشكرك على هذه الأخبار عن أخينا ضمن السناني

اخي غريب الدار ترى تواجدي أمام الجهاز هذه الأيام حسب الظروف وانت تعرف الإجازه ومناسباتها 0


موج البحر يااصحابنا وصل الخطر واظن زال = غطت عليه العاصفه ماعاد فيها باقيه
صاحب صحيبك منتبه من بعد شاف العلم طال = وان كان طال العلم تسمع منه اجابه كافيه





تقبل تحياتي وتقديري
===========
اخوك الجهني

[غريب الدار]

هلا بالجهني

وترى تعرف هالايام مناسبات و مشغول مع الاولاد والواحد ما هو فاضي

ومعذور يا جهني
العلم عند اصحابنا الجهنان ما فيها جدال=يوم (الخبر يقين) وجهينه سيوف ارهافيه
ياذيب جاك الرمز قبل الفجر وأذن يابلال=مجالس أهل العز فيها شفت حجرة طافيه

[الجهني]

الأخ غريب الدار اكرر لك التحية والترحيب بين أهلك واخوانك

استلم
===

المعرفة والعلم قاسم مشترك بين الرجال = كل(ن) على حظه حصل مابين حضر وباديه
مجالس اهل العز فيها المجد مع حسن المقال = فيها العلوم النايره واهل القلوب الصافيه



تقبل تحياتي وتقديري
===========
اخوك الجهني

[غريب الدار]

حياك الله يا جهني

واستلم
المعرفه والطيب بين الناس كنز ورأس مال=وأنته من اثنتين مليان وعلومك لافيه
ومجالس أهل العز فيها المجد ياقرم العيال=مير البلا بالحجرة اللي دونها الأوقافيه

[الجهني]

مساء النور والسرور اخي غريب الدار وحياك الله

استلم يالسنافي وارجو المعذرة
=================

نعمين والله في غريب الدار في كل الحوال = ضمن السناني جاب لي عنه العلوم الشافيه
الحجره اللي قلتها ياصاحبي فيها الخبال = مير العذر يااصحابنا فالجابه اللي نابيه



تقبل تحياتي وتقديري
============
اخوك الجهني

[غريب الدار]

أخي الجهني/ صباح الخير

واستلم
مادام ضمن أعطاك علمه لا تلفت للخيال= والبرق يبرق عنك قبله والهبايب سافيه
لد النظر ياعل عينك مايجي فيها خلال=ولاتعتذر قدام لا نعطيك ضربه قاضيه

[الجهني]

الأخ الكريم / غريب الدار / مساك الله بالنور والسرور

اعتذاري يا اخي الكريم عن الكلام الذي قاله غيري في الردود السابقة هذا للايضاح وشكراً لك

استلم
====
البرق لاشفته برق ماظن تخفيه التلال = ان كان يبرق في قريب الارض ولا النائيه
والضربة اللي قلتها لاهل الكفر واهل الضلال = ماجاك من صاحب صاحبك والله غير العافيه



تقبل تحياتي وتقديري
===========
اخوك الجهني

[غريب الدار]

اخوي الجهني يالله تحييك

ولا تعتذر ما صار الخير وأنا اخوك وبعض الناس لاتشره عليه لأنه

اصلا ما تربى مع رجاجيل

واستلم يا خوي
ما انته معي يا ذيب مير انتبه ياابن الحلال=والشعر يارجال معنى ماهو وزن وقافيه
والحجرة اللي علمها عندك عليه القفل طال=وأنته تفلسف ياابو مقبل في علوماً زاهيه

[الجهني]

الأخ غريب الدار / مساك الله بالنور والسرور وجعل ايامك كلها فرح وسرور

أولاً / كسبناك أخاً وصديقاً من خلال هذا المنتدى الرائع مثل ماكسبنا قبلك ضمن والحازم وهذا اكبر مكسب من الشعر 0
ثانياً / أنا لست شاعراً أخي الكريم وإنما هي محاولات والخبرة كلها شهرين فقط ومثل مايقولون إن صابت صابت وإن ماصابت ماخسرنا شئ والمكسب من الشعر معرفة الطيبين مثلك وشرواك 0
ثالثاً / من خلا ل ردودك على الأخ ( أسير الغرام ) في منتدى الكسرات اتضح لي أنك شاعر كسرات فأتمنى منك إثراء هذا المنتدى بالجديد من الكسرات لأن لها عشاق في ينبع وأكيد أن بينك وبين ضمن السناني تبادل كسرات لأنه شاعر كسرات كبير وتربطكما صداقة قديمة فإذا كان بينك وبينه كسرات أتمنى إنزالها بالمنتدى فضلاً لا أمراً أخي الكريم لأنني من المعجبين بكسرات ضمن 0

رابعاً / والله ان (الحجرة ) صدعت لي راسي من كثر ماافكر فيها مثل غبوة الأخ الحنشل في منتدى الألغاز اللي ظليت افكر فيها ولما عرفتها فكيت الجهاز ابغى اكتب الحل لقيتك سابقني بالحل 0لكن ان شاء الله رايح اوصل لمعرفتها 0

استلم ياالطيب وان كان ماصبت المقصود اعذرني
==========================


ترى الشعر ياصاحبي ماهو تراشق بالنبال = ماغير والله تسلية ومعها كسب اصحابيه
والحجرة اللي قلتها بالموقع فيه ولاتزال = مافيها غير مشاركة وماشفنا فيها ثانية


وإن شاء الله ظني مايخيب
تقبل تحياتي وتقديري
===========
اخوك الجهني

[غريب الدار]

هلا أخوي /الجهني

ولايكون بخاطرك شي ترى معزتك عندي مثل صديقك لو اني لم أقبلك

وانتظر منك رسالة خاصة

وترى أهم شي كسبتك صديق

أما الكسرات فأنا لااعرف عنها شي ولكن على الوزن وهذي تراها

تخصص صاحبك أما المحاورة فقبل أسبوعين كان معي في احدى

المحاورة في قرية(صرأ)في ملعبه ورى تبوك وفيها شعراء كبار ولكنه رفض المشاركة

ولايغرك خابره ايخاف لصارت الله 00الله

وبعدين أنت تراك وصلت للمعنى
مادام والله الرسن فيدك لا ترخ الحبال=ان كنت تحسب بالدقيقه لا تفوتك ثانيه
والحجره اللي قلتها أطلال صارت يارجال= نبي نشوف العز فيها وخبر العربانيه

[الجهني]

الأخ غريب الدار
السلام عليكم ورحمة الله وبركاته


استلم الختامية ياالطيب واشكرك على المشاركة
==========================


مشكور ياالطيب على اللي قلته معنا بالنزال=كسبنا منك المعرفة ونفوسنا متصافيه
عز الله انك شاعر ولا فيها شك ولا محال = وان كان جا منا قصور تقبلوها اعذاريه


ملاحظة ( ارسلت لك رسالة خاصة أتمنى أن تكون وصلتك )


تقبل تحياتي وتقديري
===========
اخوك الجهني

[المطرفي]

وخلك مندرق أفضل لك وإن كان ماتفهم في العلوم الطيبة اشرب بحر وأقضم حجر,,,,,,,,,,,,, بلى بطااااااااااااااااااااااااااااااااطس ياكفتة,,,,,
والسلام .....

والمثل قال ماللحملة الاجملها...

وأحفظ قصيدة (قالت بدو)عساها تفيدك

للشاعر: طلال السعيد