محاوره بين الشاعر محمد احمد الدبيش والشاعر ماجد ابو مديده

[المـرزم]

ماجد ابو مديده

سلام لأهل الوفاء الاحشام=والطيب منهم تعودناه
ليا معك يا محمد زام=ومجهزه لفارعه وأدناه

محمد احمد الدبيش

واجب علينا ويبقي إلزام=واللي لفى منك قدرناه
لجل الوفاء والكلام الهام=ترحيب ما خطته يمناه

ماجد ابو مديده

مدري أقولك عن الآلآم=والا العذاب الذي عشناه
لجل الذي فالضماير حام=كل المخاليق ما تقــواه

محمد احمد الدبيش

كلاً حسوسه معه وأسقـام=متفاوته بين خلق الله
ما أفتيك في حالة استفهام=حتي يجي للمثل مرساه

ماجد ابو مديده

الطب والجرح والاحلام=تشاركوا وأعلنوا مأسـاه
خلت فؤاد الشديد حطام=بقيادة اللي تأملناه

محمد احمد الدبيش

نظرت في الوضع بإسترحام=ما دمت واقف علي مضماه
وش له سبب يصدرون أحـكام=خلاه عنكم تحول خطاه

ماجد ابو مديده

لو ما انت فالمعرفه علام=ماكان نشكي عليك الاه
واللي حكمنا بحكم إعدام=بعد إبتلشنا وحبيناه

محمد احمد الدبيش

ما أرْغِم عليك المعاني إرغام=وْلاَبْغي معك يدّرق مسعاه
لأوْهَمْك باللي عليكم سـام=يبغاك تسعي لكسب رضاه

ماجد ابو مديده

مسعي هوايا حدعشر عام=ولازلت في ذل ومعانــاه
ومثلك ما يوقف مع الظلام=يرضي لنا شيء ما يرضاه

محمد احمد الدبيش

اللي وَرَد ما عليه إعْسام=من مبتدأ القيل لين أتلاه
صدّرت حكمه لكم بأختام=في عرفنا من عدول أقضاه
منهو رضي بالعذاب التام=وخلاه يأخذ معه مجراه
يطْبِق عليه الأسى بإحكام=يخلف معه كل ما سواه


ويصحابنا سامحونا

[أبو ياسر]

روائع شباب يالمرزم

مسعي هوايا إحدعشر عـام = ولازلـت فـي ذل ومعانـاه

أبو مديده ، يسعى 11 عام
رغم إنك شباب ياماجد
وآنا الذي أحسبك شايب
لين ماقابلتك في جده

يطْبِق عليه الأسـى بإحكـام = يخلف معه كـل مـا سـواه
وهذا عريسنا ( المكسراتي ) يلفظ نص الحكم

[ابومديده]

السلام عليكم ورحمة الله وبركاته وبعد

اخي العزيز / المرزم بعد ان اقول لك حياك الله في هذا الصرح الشامخ الذي عرفني بك وامثالك من الاخوان
اقول لك شكرأ على اهتمامكم با المحاوره المتواضعه التي دارت بيني وبين الشاعر / محمد احمد الدبيش وادراجها ضمن المشاركات في قسم الكسره

*********

ومن ثم الشكر للاستاذ المشرف / ابوياسر على التعليق الجميل على هذه المحاوره والذي ان دل فهو يدل على اصله الطيب
ولكن اخي ابوياسر لونضرت الى كسرتي والتي اقول فيها


خمسه وثلاثين من عمري = قضيتها في فزع وإرباك
خايف من الناس لاتدري = إني مسَخر عشان أهواك

لاتأكدت اخي ابوياسر اني ( شباب ) وتثبيت العمر فالغصن الاخير ( إني مسَخر عشان أهواك ) وهذه الكسره قد ادرجت في الصفحه
اهم شي يابوياسر * أنا وأبوبشاير * موعودين منك بجيه الى جده
ارجو من الله ثم منكم ان لا يطول الوعد