دايم السعد
21-08-2008, 04:31 AM
غلطـــان من ســماك رجـــال.
---------------
جاني يعايرنـي بقولـه : " فقيـرة " = قلت الفقر ماهوب فـي قلـة المـال
الفقر هو نقـص العقـل والستيـرة = وأما بغيرة يا " .... " نستـر الحـال
قال: وعلى فقـرك وكنـك أميـرة = تحكي بعز وتمشـي بفخـر تختـال
قلت: إيه وأزيدك من البيـت غيـره = الله عطاني مـن عطايـاه مكيـال
وش هو له امشي في حياتي كسيـره = ما دامني من خير ربي أنـا اكتـال
مـادام ما يسجـد جبينـي لغـيـره = أللي خلق ارض وسمـوات وجبـال
اللي حباني نـور عيـن و بصيـرة = أميز يمين الخطـاوي مـن شمـال
ماني قليلـة فهـم مثلـك غريـرة = أمشي عدل وأميـل للوقـت لا مـال
ما غرني صوف الزمـان وحريـره = ومهما يضيق الوقت فيّه أبا احتـال
وكانك تعايرنـي بقولـة " فقيـرة " = بقول شي (ن) صعب اشـوي ينقـال
صحيـح أملاكـك عددهـا كثيـرة = صحيح تلبس غترة وثوب وعقـال
بقول لك كلمة ولـو هـي كبيـرة = عز الله أخطأ من مسميك رجّال
---------------
جاني يعايرنـي بقولـه : " فقيـرة " = قلت الفقر ماهوب فـي قلـة المـال
الفقر هو نقـص العقـل والستيـرة = وأما بغيرة يا " .... " نستـر الحـال
قال: وعلى فقـرك وكنـك أميـرة = تحكي بعز وتمشـي بفخـر تختـال
قلت: إيه وأزيدك من البيـت غيـره = الله عطاني مـن عطايـاه مكيـال
وش هو له امشي في حياتي كسيـره = ما دامني من خير ربي أنـا اكتـال
مـادام ما يسجـد جبينـي لغـيـره = أللي خلق ارض وسمـوات وجبـال
اللي حباني نـور عيـن و بصيـرة = أميز يمين الخطـاوي مـن شمـال
ماني قليلـة فهـم مثلـك غريـرة = أمشي عدل وأميـل للوقـت لا مـال
ما غرني صوف الزمـان وحريـره = ومهما يضيق الوقت فيّه أبا احتـال
وكانك تعايرنـي بقولـة " فقيـرة " = بقول شي (ن) صعب اشـوي ينقـال
صحيـح أملاكـك عددهـا كثيـرة = صحيح تلبس غترة وثوب وعقـال
بقول لك كلمة ولـو هـي كبيـرة = عز الله أخطأ من مسميك رجّال