قالو تجوز كان تبغى السعاده

[زرياب]

قالو تجوز كان تبغى السعـاده=جدد شبابك عيش مابين ثنتيـن

لايروح عمرك تشتكي للوساده=قوم وتزود شوفه الزود لك زين

اعزم وشوفه في حياتك عباده=علك تنال اللي فقدته من سنين

قلت البلا بكره يعافه رقاده=ونقراه في وجهه اسيرا مسيكين

ماعاده الاحساس حمل النكـاده=حتى لوان الروح تلقى المزاوين

من ريح احساسه واوفـى وداده=مع واحده وقته يساوي ملاييـن

بعض الطباين يورثـن القـراده=لاجيت هذي ردتك ذيك للشيـن

تسير مبعد مرتجيهـا الشهـاده=تبغى الفكوكه مالك فقرب الاثنين
=ابــــوســــعــــود

[المعلم]

بعض الطباين يورثـن القـراده
لاجيت هذي ردتك ذيك للشيـن
تسير مبعد مرتجيهـا الشهـاده
تبغى الفكوكه مالك فقرب الاثنين
صح لسانك أبا سعود
تحيتي لك

[عاشق حزن]

سعدنا بعودتك اخي زرياب

نورت منتدى الشعبي بهذه الابيات

التي تذكرنا بأبيات طريفة يقول شاعرها فيها :

تزوجت اثنتين لفـرط جهلـي
بما يشقـى بـه زوج اثنتيـن

فقلت أصير بينهمـا خروفـا
ينعـم بيـن أكـرم نعجتـيـن

فصرت كنعجة تضحي وتمسي
تـداول بيـن أخبـث ذئبتيـن

رضا هذي يهيج سخط هـذي
فما أعرو من إحدى السخطتين

وألقى في المعيشة كل ضر
كذاك الضر بيـن الضرتيـن

لهذي ليلـة و لتلـك أخـرى
عتـاب دائـم فـي الليلتيـن

فإن أحببت أن تبقـى كريمـا
من الخيرات مملـوء اليديـن

فعش عزبا فإن لـم تستطعـه
فضربا في عراض الجحفليـن


في انتظار روائع اخرى

تحيتي وتقديري