المساعد الشخصي الرقمي

مشاهدة النسخة كاملة : ياضمن طول غيابك وانت رجال سنافي


خالد الهلولي
19-05-2003, 04:09 PM
دعوة للاخ ضمن السناني الذي طال علينا غيابه ........

فعلنا نحضى ببعض من ابداعه الذي اشتقنا اليه.....


ياضمن طول غيابك وانت رجال سنافي=لابدا زوله علينا يبري الهم ويزيله
ندعي الله في خفانا يجعلك دوم متعافي=وان بخل وقتك علينا ما لنا بالوقت حيله
أبوشوق
19-05-2003, 05:22 PM
يا سناني ارجوك قدر هذا الكلم الجميل وعود الى الاخون

والله ابيات جميل ياخالد والله يعطيك العفيه



وتر انا ابي ابطل من المنتداء عساك تكتبلي قصيده



:p ابوشوق:p
سعد الهلــــولي
21-05-2003, 12:16 AM
يا ابو عواد
اقرب من ولدنا وأحتزم بالشعر
انا متابع واشجع <<<<<<<<<<
ماني قايل أخاف يزعل الحاجب ولا العين
المهم أني متابع
ضمن السناني
27-05-2003, 01:34 PM
الغالي الشاعر المنهدس/ خالد الهلولي

يالله تحييك

وبعدين أقدم عذري على الغياب وذلك لضروف العمل وخالك (أبوالعنود) عارف

ظروفي أكثر واحد0

لكن أبشر الاجازة (قريبه) وأبتحداك أنت وخالك:D:D:D:D

واستلم يالقرم وتري مطول عن المحاورااااااااااااااااات(يعني اللياقة)(صفر)


ياعميل الخير ياللي في علوم الطيب لافي= أبشر بضمن السناني جاك ويجيب الحصيله
وان حضرنا يالهلولي كيلنا فالوقت وافي= وأنت رجال(ن) تحفظ العلم وسلوم القبيله
خالد الهلولي
28-05-2003, 02:14 AM
الاخ العزيز ضمن السناني..............

الحمد لله على السلامة .................

واعانك الله واخذ بيدك واني على علم تام بكافة ظروفك ولكني وددت لو ان يكون لنا بعض من وقتك ولم استطع الا ارسال هذا الطاروق المتواضع........

فشكرا على تجاوبك وعلى وقتك..........

واود ان اقول لك اني و من الان في انتظار الاجازة بكل شوق ................

واستلم لاهنت


ياضمن والنعم فيكم شوفكم للنفس شافي=الوعد جاني ولاني عن وعدكم في محيله
لو تفرقنا الليالي دوم تجمعنا القوافي=والحصيل اللي نريده غيركم ما احد(ن) يكيله
ضمن السناني
28-05-2003, 02:11 PM
الغالي الشاعر/ خالد الهلولي

أشكرك على تفهم الظروف000

واستلم يالقرم
ماعليكم زود والله فعلكم فالعز ضافي=يوم والله تقدح النيران من زند وفتيله
مير فالموضوع يارجال ماصار اختلافي=(واجب) و(حق(ن)) عليكم يوم طرقتنا طويله
خالد الهلولي
01-06-2003, 02:43 AM
الاخ العزيز ضمن السناني

المساجلة معك لاتمل وتشرى بالغالي النفيس

ولكن ارجوا ان تلتمس لي العذر بسبب ظروف الامتحانات

وسيكون لنا لقاآت اخرى باذن المولى عز وجل

ولك الشكر الجزيل..................
ضمن السناني
05-06-2003, 03:09 AM
الغالي الشاعر /خالد الهلولي

لاشك ولاريب بأن دراستك ومستقبلك أهم من الشعر والمنتدى

وكل ماأتمناه ان تعود لنا بشهادة نفتخر بها جميعاً

وأطلب من المولى عز وجل أن يكلل جهودك بالنجاح والتوفيق0

ودمت لأخيك