بحـــر
21-06-2008, 03:39 AM
قصيدة أعجبتني لشاعر المليون محمد بن فطيس وأحببت مشاركتكم فيها :
البارحه ربي كتب لي ومريت =دربن عليه بروق الأحباب لاحت
جيت المكان اللي جمعنا وخفيت =وقامت جروحي للجوارح وصاحت
ياليتني في لفة الدرب زليت= كان العيون من الدموع استراحت
إلتم غيم الدمع من يوم لفيت =وورق القصيد لشوفة الغيم ناحت
وضحكت مابغى الناس تدري يابالفيت=لكنها غصبا عن العين ساحت
حارت دموعي في عيوني وصديت=وأرمشت ابيها ماتبين وطاحت
وعقبه برق في العين براق واسقيت =خدي ووناتي بصدري تلاحت
وانا احسب اني من فراقه تعافيت=وان عبرتي من مدخل الزاد زاحت
اللي يحسب اني على البعد سجيت=والا ان عيوني للرقاد إستباحت
ياليتني من قبل لااحبه اقفيت=والا ان دربي عن دروبه تناحت
اهون علي من البكا والتناهيت =واشلا من سدودن على الناس باحت
عرفت كيف الحي يفرق عن الميت=وعرفت قيمة نعمتي يوم راحت
قولوا له اني عقب بعده تدانيت=ورجلي عن دروب المعافين شاحت
البعد نار وطاعة العذل كبريت =يقصر على بعده ترا الكبد فاحت
البارحه ربي كتب لي ومريت =دربن عليه بروق الأحباب لاحت
جيت المكان اللي جمعنا وخفيت =وقامت جروحي للجوارح وصاحت
ياليتني في لفة الدرب زليت= كان العيون من الدموع استراحت
إلتم غيم الدمع من يوم لفيت =وورق القصيد لشوفة الغيم ناحت
وضحكت مابغى الناس تدري يابالفيت=لكنها غصبا عن العين ساحت
حارت دموعي في عيوني وصديت=وأرمشت ابيها ماتبين وطاحت
وعقبه برق في العين براق واسقيت =خدي ووناتي بصدري تلاحت
وانا احسب اني من فراقه تعافيت=وان عبرتي من مدخل الزاد زاحت
اللي يحسب اني على البعد سجيت=والا ان عيوني للرقاد إستباحت
ياليتني من قبل لااحبه اقفيت=والا ان دربي عن دروبه تناحت
اهون علي من البكا والتناهيت =واشلا من سدودن على الناس باحت
عرفت كيف الحي يفرق عن الميت=وعرفت قيمة نعمتي يوم راحت
قولوا له اني عقب بعده تدانيت=ورجلي عن دروب المعافين شاحت
البعد نار وطاعة العذل كبريت =يقصر على بعده ترا الكبد فاحت