محاورة ـ الشاعر محمد الهريويل وخليل الثقفي

[خليل]

تمت هذه المحاورة مع الشاعر محمد الهريويل عبر الهاتف يوم الثلاثا ليلة الأربعاء الموافق 15/5/1429هـ
،،

الهريويل =
خليل حسب الوعد حاضر = مايخلف الوعد من يومه
ماهمني حضوره الشاطر = لوكان يحضر معه قومه
خليل =
امشي على القن والساير = ترحيب ياطيب علومه
وإذا حضر حرفي الناير = يسدّ لاجاك منظومه
الهريويل =
لاشك للمشترى تاجر = مايكيل زينه ومعدومه
ينقى من المشترى الفاخر = ولاينكر اللي خسر سومه
خليل =
ماني بسوق المثل حاير = ابيع واشري من رسومه
واخذ من الطيب الظاهر = والبّسه احسن هدومه
الهريويل =
في ماحوى المشتري ناظر = بإغلا ثمن جايح همومه
حدّ المسام الّذي صاير = لمّا رسى بانت سهومه
خليل =
من تابع السوق والداير = وعنده عن الحال معلومه
مابين رابح لها وخاسر = يلقى نصيبه ومقسومه
الهريويل =
من قال للمشتري غادر = فالحال يشناه ويلومه
اسهم تداول ولايكاسر = لوشار ما استنظر قدومه
خليل =
هذا على منهجه ساير = يتبع مراميه وسلومه
ولاشفت عاشق ومتكابر = زيده عسى يحقق حلومه
الهريويل =
ابغى اراجعك يامحاضر = حرر له إقرار مختومه
ياتقول خسران لايثابر = ولا على حق ولّزومه
خليل=
مادام في ماحوى شاعر = ويدرى على البيع وخصومه
خلّه علىمركزه صادر = ويبان للناس مفهومه
ويصحابنا سامحونا=