سلام الله على خالد بعد جبنا له المطلوب

[سعد الهلــــولي]

استلم يا خالد لاهنت يا سنايدي

سلام الله على خالد بعد جبنا له المطلوب = يجي ولا نبي نقفل على الدعوى من أولها
بعد ربي رزقنا بالسحابه يوفي الماجوب = على خبري ليا شاف البروق تلوح خايلها

[خالد الهلولي]

اسف لانقطاعي في الفترة السابقة...........

وساعوض ما فاتني انشالله بس همتكم معي..........

استلم ياعم........


عهدنا فيك ياعمي تفرج ضيقة المكروب=وما اظنك عقب ماجبتها بالطيب تاخذها
عطاياكم قبلناها ومثلك غالي محبوب=ولكن خوفي الدنيا توفينا عوايدها

[سعد الهلــــولي]

تعبنا لين جبناها بدعوى طالب ومطلوب = وجات وجابها الله بين مخطيها وصايبها

تقرب وأعرف أن الماد وسطه غالب ومغلوب= وإذا بعدك على خبري أكيد من أمس ناهبها
هلابك بعد طول غيبه

[خالد الهلولي]

استلم ياابو العنود


ترى النيشان ياعمي على حد النظر منصوب=تنبه حيل ياعزي لياجاتك طلايبها
ابرمي والملا ترمي وعيني طرفها معصوب=تراني داله سالي لياضاعت هبايبها

[سعد الهلــــولي]

استلم يا سنايدي

إذا بندقك ما تخطي هدفها فالعدد محسوب = ما أحد يقدر يقرب حولها وأنا معرقبها
وأنا وفرتها لك لا تقول اللي يشيب يتوب = إذا ما انته بقدرتها أبنقضلك ذوايبها

[خالد الهلولي]

استلم لاهنت


انا ما اوقد شدادي وظبيك ياسعد محجوب=ثلاث وشوم في ساقه انا ما اقدر اماريها
اذا جد العهد فيهم علينا جدد المكتوب=وشيع به حمام الود وابشر في مراميها