ابيهــــــــــــــــــــــــــــــــــــــــــا

[المنسـي]

خــوي الـدرب عــمـري مـاخـذاني دونـه الـنسيـان وأنا يـا أهــل المــلامه مـارغبت العيش وحداني

أبي لي مهـرةٍ مـاعسفت صـغـيـرة وبنت حصــان ابـــوهـا اللي يـــفـك المــشـكـلة ويـزبّــن الجاني

واخــوهـا لاتـعــزوى بـاسـمـها فـزّوا لـه العـربـان يحق إلها الفخـــر فـي قـــولة آل فـــلان جــداني

أبـيـهـا فـي بـحــر عـشــريــن لازودٍ ولا نقـصــان أبيها اقصـر طويله والوصـوف أشــكال وألواني

أبي الجبهة كما الصبح وكما القـوس أسود الحجّان أبيها ناعـســــات ونـرجـسـيه ســـــود الاعـيـاني

أبي رمـشٍ كـمـا ريـش يـغـطي الـثـلـج بـالاوجـان وأبي جـفـن يـشيــــل الرمـش طـربان وكسلاني

أبي خــدٍ كــمـا ورد تــنـمّى فـي طــرف بـسـتــان وأبي خـشـم صـغـيـر ومثل حـد السيف شـامـاني

أبي البسـمـة كمـا الـبـرق وثناياها كـمـا المـرجـان وشــفـاهـا جـمـرتـيـن وفـمها خـاتـم ســـلـيـمـاني

أبي شـعــر مـثـل ذيــل الفـــرس لاطـبّت المـيـدان أو الـشــلال لا مـن بــات لـيـلـة بـيـن الامــتــاني

أبي جـيـدٍ ســـواة إبــريـق فــضــة نــاتـق مـلـيـان وصـــدر كـــنـه مــــرايــه عـليـه طــلـع رمــاني

أبي ظـهـرٍ كـما الجـدول وقـدٍ مثل غـصـن اللبــان وخـصـر مـثل مجـدول الاعـنان وجـسـم رويـاني

أبـيـهـا نـابـيـة ردف وبـطــن ضـامـــر جــوعــان أبـيـهـا مـدمـجـة سـاق وقـدمـهـا لـســان ثعـبــاني

أبـيها بـنـت عــز مـن رغـــدهـا يـنـعـم الـفـسـتـان أبي الـرقــه وأبي الـدقــه لـهـا بـأطــرافـها شــاني

أبي الـمشيه كـما اللي طالع من المعـركـه كـسبـان وأبـيـهـا تـرش مـع خـطــواتها مـسـكٍ وريـحـاني

أبي صــوتٍ الا مـني ســمـعته كـن فــيـه ألـحــان يـدغـدغ مـسمعي ويثـيـر كل السـحــر بـأشـجاني

أبيها حب وإخـلاص وهــواجيس وفـرح واحـزان أبـيـهـا مـثـل مـا دكتـور أهـالي الـعـشـق وصـّاني

أبـيهـا لــوحــة مـاصـــورتـهــا ريـشــــة الـفـنــان أبـيـها جــوهـــرة مــا جــابـهـا قــاصــي ولا داني

أبـيها تـنـتـصــرلي مـن زمـــان حـطني نــيـشــان وتـبـشـــر بـالـغــلا اللي مــا لـفــا بـه واحـدٍ ثـاني

مـهــرهـا قـلب وشــعــر يهـــز القـلب والوجــدان وألـبـسـهـا الـقـصـيــد وتـصـبـح أوزاني وقـيفـاني

أبي اللي فات واللي فات صعب ومن لقى العنوان يـرد العـلم ولا إني أفـضـل أبـقى أعـيش وحـداني

ناصر القحطاني

[سعد الهلــــولي]

حقا انك تحمل ذوق رفيع جدا
انا مثلك من اشد المعجبين بالشاعر الرائع ناصر القحطاني
اشكرك على هذا الجمال وعلى حسن الاختيار