معليش يا إتحادييــــن ( هذا حال الكرة غالب ومغلوب )

[أبو سفيان]

كنا إلى فوزكم نطمع= لكنها خابت الآمــال

اللي بفرصة ظهر أروع= واللي بثنتين ماله فال

[أبو عماد]

هلا بالطيب الغالي

الحظ يا نعنبوه أسدع =عند الجمل يتعب الجمال
البارحة كان في مطلع =غايب وكنا بعيد إلحال
ولا تشمت اليوم لا تندع =فريقنا ماعليه محال
كم أطرب الكل كم أبدع=يفتيك فالمسألة بتال

[القالط]

مجاراه لمشرفنا الغالي ابو سفيان ولااديبنا الغالي ابو عماد

كان الامل فرصته تسطع = ونعيش معكم لحن موال
لكنه الحال مايشفع = جاه الذي ماعليه جدال

[خليل]

الحظ يا نعنبوه أسـدع!!!!!!لكن والحق يقال الهلال خطط صح ونال البطولة بجداره

[صالح محسن الجهني]

يا مرحبا والمسا اصفر=
الإتي=
نبارك للهلاليين وخيرها بغيرها استاذنا ابو سفيان
ولكم وللجميع اطيب التحية والتقدير

حنّا لطيب النبا نسمع=سبحان من غير الاحوال
واللي بلا حظ ما ينفع=عزمه ولو كان عال العال
لو قيل نقنع فلا نقنع=النمر هذا من الابطال
إن غاب عن مجده ما يطلع=للمجد بعده يكود هلال
أبو محسن=

[الرحال]

الله الله ياابامحسن
اظهر وبان وعليك الأمان والله وزمان عن مداعباتك
ياغالى وانا هنا اشاركك واقول

ماقصر المحترم ابدع=ولانقول فالمحترم مايقال
لاكنه الخصم كان اروع=فالماد شفنا البطل خيال
فنان بالمستوى الأرفع=صوب الهدف يتقن الأرسال
والكل بالفن مستمتع=وللنمر ندعى بطيب الفال

[صالح محسن الجهني]

الله الله ياابامحسن
اظهر وبان وعليك الأمان والله وزمان عن مداعباتك
ياغالى وانا هنا اشاركك وقول

ماقصر المحترم ابدع=ولانقول فالمحترم مايقال
لاكنه الخصم كان اروع=فالماد شفنا البطل خيال
فنان بالمستوى الأرفع=صوب الهدف يتقن الأرسال
والكل بالفن مستمتع=وللنمر ندعى بطيب الفال
صح لسانك يا بوسالم
ونحن الذين نقول زمان عن إبداعكم وحروفكم العطرة
وشاركتنا واسعدتنا واسعدت الجميع بنظمكم ونهجكم الكبير والرصين الذي
نعتز به
لكم خالص التحية والتقدير

[أبو سفيان]

أبو عماد
وأبو نواف
وأبو هاني
وأبو محسن
وأبو سالم

الروعة والإبداع في مداخلاتكم ولطف مشاعركم ...
دمتم لنا حاضرين في كل مناسبة بالإحساس المرهف وصدق
المشاعر والاستجابة مع الأحداث .
وخيرها في غيرها يا إتي واليوم ماهو يومك