قصيده للشاعر/بندر بن سرور العتيبي

[أحمد الجابري]

يالله ياجال الامور المهمه= تجلى وهج قلب(ن) برحال راعيه
البر دجته والبحر رحت يمه= يقطعك ياحظ(ن) على الله مساعيه
يوم(ن) ولد اللاش رزقه على امه= رزقي على اللي ميت القشع يحييه
فراق شمل الناس عيا يلمه= وقت(ن) يشيب الراس من شاية(ن) فيه
احد(ن) ينام وحط راسه بكمه=واحد(ن) تخم النوم عينه وتخطيه
واحد(ن) يحاول بالردى بنت عمه= واحد(ن) يحاول ستر عذرى عوانيه
ماني وانا بندر بياع دمه= يقطعك يابياع دمه وشاريه
اللي يبيع لابسات الازمه = ثور(ن) يبا بيض الرعابيب تغنيه
يزعل اليا جات ليلة الدور يمه= يرضى بسوق المال فابوه واخيه
خطو البخيل اللي يكبر معمه= يقرأ الكتاب وواجب الله مخليه
اما هرج لك في رفيقه بنمه= ولا عطا وامه تضيع هقاويه
انشدك ياللي كل فرض(ن) تتمه= تقرأ الكتاب وواجب الله مصليه
ويش القليب اللي غميق(ن) مجمه= ما فاد غرسه ماه عطشا سوانيه
تخالف الانظار شرق(ن) ويمه= وكل(ن) هدف رايه من الناس مرضيه
سم السبب ياعارف(ن) عنه سمه= سم السبب ياعارفه قبل اسميه



بندر بن سرور العتيبي(رحمه الله)

[سعد الهلــــولي]

الأخ العزيز أحمد الجابري اهلا بك وبمشاركتك الجميلة
تقبل ترحيبي الحار بوجودك معنا ونطمع منك بالتواصل
وأنا اقدر ذوقك الرفيع فهذه الفصيدة من أجمل ما سمعته
من شعرنا الشعبي في الفترة التي عاش بها الشاعر
بندر بن سرور رحمه الله تعالى