الى الشاعر القدير احمد الدبيش

[غازي السريحي]

الى الشاعر القدير احمد الدبيش ..



سلام ضافي بانواره = لمنتدى الطيب واهل المجد
لاعضا (( المجالس )) وزواره = ويخصكم ياالدبيش احمد
شرواك محفوظ مقداره = والكل بريادتك يشهد
لاجلك مميز باشعاره = باخذ معك بالمثل وانشد
البعض بجهود جبارة = احاول ابني وهوّ يهد
اواجهه داخل دياره = والا اتناحى عنه وابعد

[أحمد الدبيش]

مع التحية للأخ العزيز الشاعر/ غازي السريحي
واجب وفي أول إصداره=من قلب للطيبين مود
ترحيب غالي في مسعاره=ماينقص إنما يصير أزود
مابينكم ماأعلم أسراره=ولا وقفنا على المشهد
بَسّ العتب حق تختاره=والطيب بين العرب ما شد

[انس الدريني]

.. السريحي ..أبونايف

برونق الأصالة يكون البهاء أخاذاً
وبحرفنة الكبار يكون للعذوبة نصيبها الأكبر ..

لكما فائق الإعجاب مسبوقاً بالتقدير والإمتنان

[أحمد الدبيش]

الغالي أنس : اشكر لك ادبك وطيب عباراتك تحياتي لك ولوالدك العزيز .