الوصيه

[أحمد الجابري]

بما اني اصبحت وتشرفت بان اكون احد متابعي وقراء هذا المنتدي
اهدي الجميع هذه القصيده مع امنياتي الصادقه بان تكون قصيده تستحق القراءه من الجميع وهي عباره عن وصيه لاخي الصغير بدر
القصيده[
يابدر انا بوصيك يا نسل الاحرار عدة وصايا كلبوها مهمـــــــــه
ياخوي جودها ولك خلها اسيار وان صنتها ما أظن تلقى المذمه
الاوله احفظ صلاتك والاذكــــــار ترى الصلاة من غيرها الرجل رمه
والثانيه خلك لوالديك مبــــــرار لا تستمع لهرج حرمه وعمــــــــه
خلك لهم بالحيل ياخوي صبـار الدين حل وبرها منه ذمــــــــــــه
والثالثه مع الربع خلك خيـــــار حذرى تقف لاجات لهم مهمـــــــــه
حذرى تدور دونهم بعض الاعذار ما ياقفن عن ربعته كود رخمــــــه
والرابعه يابدر لاوصيك بالجـــار ا لجار وصى فيه نبي الامـــــــــــه
ان غاب جارك خلك لبيته استار احفظ هله يالين يرجع ملمـــــــــــــه
لا يشتكي من قل وانته بالاخيار تقاسمه يابدر لو هي لقمــــــــــــه
والخامسه وصيةٍ كلها اثمــــــار تبقى لها رجال مع زود همـــــــــه
العلم لاتثنيك دونه الاطــــــــوار ترى شعاع الصبح من بعد عتمـــه
وصيتي سجلتها سر واجهــــــا ر يابدر لا تصعب عليك المهمــــــــه

أخوكم/أحمد الجابري