سيوف الجرح

[هاني البلوي]

السلااام عليكم احبتي
اول مشاركاتي معكم
قصيده متواضعه
عل ان تنال ولو شئ قليل من رضاكم
-
-
-
خوافي بالخفا يا طعنه الغاالي ياغض العود

000000 طعني/ مير حد السيف بجرابه ولا سله

ليا اني مت انا بلقى على الطعنه ثمان شهود

000000 شهودي هن طعناته سيوف الجرح والعله

يبى يشهد على الطعنه هدب/وعيون دعج وسود

000000 ويشهد وجهه اللي لبتسم وش لون ابى امله ؟

ويحكي بالحقايق عوده الليـّـن لهب النود

000000 ليا هبّـت ذعاذيع النسايم وانثنى كله

يقول : العله اسبابي سببها حبلي المعقود

000000 انا اللي طاعن ٍ قلبه وانا اللي حط به عله

ويشهدن الثمان اللي سواة اللولو المنضود

000000 ثمان س كنها البراق في مزن الحيا هله

ويشهد خده الصافي وخصر ٍ ناحل ٍ ياسعوود

000000 وشعر ٍ شافت عيوني ظلام الليل لن فله

هذيك شهود للقاضي لحان الموعد الموعود

000000 ليا قالوا : عسى الله يرحم الميت من الزله
-
-
-

وشكرا لمن قرأ وعذرا على القصور
-
-
-
تحيااااتي
-
-
-

[سعد الهلــــولي]

هذااااااااااااااااااا هو هاني البلو ي
أو بالأصح هذاااااااااااااااااااااااااااا هو الشعر
والله انك مكسب كبير لهذا المنتدى
واقدر لك هذا التجاوب

اطربتنا
ننتظر المزيد والجديد من هاني
وتقبل شكري وتقديري

[خالد الهلولي]

هذيك شهود للقاضي لحان الموعد الموعود

000000 ليا قالوا : عسى الله يرحم الميت من الزله


لاخ هاني البلوي.........اتشرف بمقابلة شاعر بمثل مكانك وقدراتك الشعرية....

صح لسانك اخوي.............

لك مني كل الاحترام...............

[ضمن السناني]

الشاعر الرائع/هاني البلوي

قصيدة اكثر من رائعة

ليا اني مت انا بلقى على الطعنه ثمان شهود

000000 شهودي هن طعناته سيوف الجرح والعله

يبى يشهد على الطعنه هدب/وعيون دعج وسود

000000 ويشهد وجهه اللي لبتسم وش لون ابى امله ؟


يشهد لك شعرك المتدفق كعذوبة المطر

شكراً لك هذه الروعة