تقولون ذبحكم غلاء الأسعار؟؟ بأقول لكم والله تستاهلون ,, !!!

[سلاف]

كيف الحال أعضاء المجالس الينبعاوية
إن شاء الله إنكم بخير وبصحه وسلامه



خلونا ندخل في موضوعنا
اللي هو غلا الأسعار ,,
..
أنا قبل فترقررت انزل هالموضوع بعنوان ( تبون المطر يجيكم وهذي فعايلكم ؟ )
( واقول لكم وتستاهلون الغلا بعد اللي يجيكم ) .!!!

إنتو والله ياأنتم شعب مسرف لآخر درجه
<<
لا والله صدق ,,
والله يإني أشوف مناظر تعور قلبي وتخليني
أفكر في حال الأمم الفقيره ,,
وأنتم ,, ( صحيح إنه مو كلكم )
لكن وللأسف ,, فهم الغالبيه العظمى ,,
ماتفكرو إلا في أنفسكم ,,
وإلا غيركم ,, ( بالطقاق ) << موب منحذف موضوعتس أبد كملي بس

تأكلو وتشربو ,, وبعد ماتخلصو ,, ترمو الباقي !!
طيب مافكرتو إنو في ناس جواعى !!!
ناس حـ تموت بس عشان كسرة خبزه !!
إتقو الله ياعالم ,,
والله اللي قاعدين تعملوه لا بيرضي ربنا عز وجل
ولا النبي عليه أفضل الصلوات والتسليم ,,

لا ,, واللي يقهر بعد ,, يجون بقوة عين ويقولو :
نبغى مطر وش سبب منع المطر عنا << أ
<< عصبت
ولا تقولو ليش الأسعار غليت ,,!!
والله ياوزير التجاره يبي لك بوسة راس على هالغلا !!


صحيح الشر يغلب على الخير ,,
بس إنتم خليتو فيها خير !!
والله حتى اللي متقي ربه ويتصدق ولايعرف للإسراف
طريق ,, خربتو عليه حياته وخليتوه ضحيه تدفع
ثمن أخطاءكم ..!!

وش فيها لامات عندنا واحد في السعوديه من الجوع !!
<< مع إنها مستحيل تصير ,, بس لنفرض ,,!!
يعني إنتو في بالكم إن اللي يموتو بسبب الجوع في
الصومال والدول الفقيره هذي ,, عددهم قليل؟

أستغفر الله ,, أنا ماأبي أتفاول على أحد منكم
بالشر ,, بس ,,حط نفسك مكانه ,,
الله يخليك ,, حط نفسك مكان هذا الشخص الفقير
اللي راح يموت من شدة جوعوه :: ,,
ويأست وتعبت وإنت تبحث عن قوت يومك ..
بالنهايه ,, طحت ,, تصارع الموت ,, ولاأحد إلتفت يمك!!
بالله وش شعورك .!.!

ماأبي أطول الموضوع ,, والكلام اللي مايزيد ولاينقص ,,
بس أبغاكم تشوفو معاي هذي الصور ,,
وتعرفو ليش أنا قلت ( تستاهلو الغلا اللي جاكم ) :

إلى هنا ينتهي كلامي



الصور ابلغ واوضح من الكلام

في البداية تسالون لماذا زاد سعر الاغناام وارتفع سعر الارز

انظرو الي افعالكم هل هذا يرضي الله

http://www.3tt3.net/up4/get-3-2008-fspk8pft.jpg
س : هل سبق يوما ان مددنا يد الحاجة الى غيرنا حتى نجد "قوت يومنا" ؟

http://www.3tt3.net/up4/get-3-2008-ak22fpqf.jpg
" لا "
اذن فأنت في نعمه اسال الله شكرها

س: هل تطعم أطفالك ؟ من أفخر انواع الحليب او المنتجات المختلفة النافعه ؟
http://www.3tt3.net/up4/get-3-2008-pwosczbs.jpg

: هل سبق وانت جربت اكل فتات الخبز الذي تطعم به الحيوانات , أو احد من اطفالك؟
http://www.3tt3.net/up4/get-3-2008-s1czqss8.jpg
" لا "
اذن فأنت في نعمه , الصورة تكفي !

أخيرا , هذه صوره انتشرت منذ فتره لكنها مؤلمة جدا ,,
نسر ينتظر وفاة هذا الطفل لينهش عظامه , التقطت في السودان عام 94 م
http://www.3tt3.net/up4/get-3-2008-bg0t797n.jpg

أسال الله تعالى ان لا يجعل الدنيا اكبر همنا ولا مبلغ علمنا

استغفر الله لي ولكــــــــــــــــــــــــــــم