لحن مع استاذي الشاعر القدير ,,, حمدان الحمراني

[يوسف الأحمدي]

السلام عليكم ورحمة الله وبركاته
وأسعد الله مساكم بكل خير
هذا اللحن الخفيف دار بيني وبين استاذي الشاعر القدير حمدان الحمراني على الجوال

أتمنى أن ينال على استحسانكم










حسـب القوانـيـن والآداب=وسلوم أهل المثـل والقيـل
سلام مني لكم يـا اصحـاب=يامن لكـم عندنـا تبجيـل
=أبـــــو دانــــــه
لا شك عنـدي ولا مرتـاب=ياراعـي الطيـب والتكميـل
يامرحبا وأطيـب الترحـاب=هات المثل واسمع التحليـل
=أبـــــو نــاصـــر
عسى البقا يارجـال طيـاب=والطيب واضح وضوح سهيل
كيف الفتى يأمـن الأغـراب=يـوم الأحبـة وراه تكـيـل
=أبـــــو دانــــــه
إشرح لنا الأمـر والأسبـاب=وفصل لنا المسألة تفصيـل
قـدام لا نطـرق الأبــواب=ونطب عمق البحـر ونميـل
=أبـــــو نــاصـــر
سعيت عنهم دروب صعـاب=وذللتهـا لجلهـم تذلـيـل
وجزاي منهم أسـى لهـاب=وتجريح قلبي نهـار وليـل
=أبـــــو دانــــــه
بين لهم من طرفـك عتـاب=ولا تقفـل أبوابهـم تقفيـل
إما صفو لك وجـوك طـاب=ولا عليهـم يميـل المـيـل
أبـــــو نــاصـــر




وسلامتكم



للجميع تحياتي

أبو دانه

[المعلم]

لحن جميل أخي أبو دانه
فشكرا لك وللأخ أبو ناصر
تحيتي لكم

[ريبال]

اخي الغالي ابو دانه
لحن جميل في قمة الروعه
تقبل تحياتي