مراسلة بيني وبين الاستاذ الفاضل عبدالرحمن بن صديق في 15-2-1429هـ

[الريفي]

-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-

=محمـد جميـل الريفـي
إسمع فيما قالـه محمـد= بعـد السلامـات يقريهـا
فكره بعـد حـدر وسنـد =عليك الاحـداث يرويهـا
بنك الغـرام الـذي جمـد= حسبة لها سنين مبقيهـا
يجـوز مـن بعـد لافنـد =عنـا القـرارات يخفيهـا
=عبدالرحمن بـن صديـق
إعـداد مابيننـا مـن ود= وحسن القرابـة ومافيهـا
ترحيب ماله عـدد ينعـد =ياخال وافخـر بطاريهـا
سؤال وابغى الجواب الجد =حتـى مشاكلك ننهيهـا
البنك لاجل ايـش متعنـد= معكم وحسبتـك داريهـا
=محمـد جميـل الريفـي
على البقا ياكريـم الجـد= ياللـي معانيـك نغليهـا
لك ود من والـدي ممتـد = وانت خُطى الطيب تمشيها
في صيرف الدائرة له ضد= يخفي الحقايق مايبديهـا
حتى الحاسوب الذي يرصد =كـل الحـوالات يلغيهـا
=عبدالرحمن بـن صديـق
انا وغيري لكـم نشهـد= والطيبـة مـنك محريهـا
لاجلن مالك في طيبك نـد= وقواعـد الطيـب بانيهـا
يامحمد اسمع وهاك الـرد= من شان حسبة تعانيهـا
باب الحـوالات ماينسـد= ان كان حسبتك حاميهـا
=وياصحابنـا سامحـونـا

[الزير]

صح لسانك يابو جميل

وصح لسانك ياعم عبدالرحمن

كلام ولا اروووووع


تحياتي / الزير

[ريبال]

اخي الغالي ابو اروى
دائما تأتي بالإبداع شاعرين مبدعين
تقبل تحياتي

[المعلم]

مشتكى جميل من محمد جميل
الشاعر المتألق
ورد من مود صادق
الأخ الاستاذعبد الرحمن بن صديق
تحيتي لكم وتقديري

[البندر]

ياهلا يابو اروى
والله كنت بتصل فيك
اليوم واقول ايش الغيبه
هذه لكن لقيت الكلام العذب
بينك وبين العم عبدالرحمن بن صديق
قلت الحمدلله على السلامه يابو اروى اهم
شي طيب ومتعافى دمت بكل الود اخيك البندوري

[الآتي]

الشاعر المحبوب
محمد جميل الريفي

تتحفنا من وقت لآخر بالمراسلات والمحاورات الجميلة مع العديد من الشعراء ولكن هنا ومع الشاعر الكبير عبدالرحمن بن صديق يختلف الأمر فلابد لي من كلمة اتحدث فيها عن ضيفك في المحاورة وجاري العزيز عبدالرحمن بن صديق
عبدالرحمن صديق شاعر عملاق له بصمة في زمن العمالقة ففي الوقت الذي تعتبر الكسرة في عصرها الذهبي وفي وجود شعراء كبار مثل الكرنب واحمد بن سليمان الريفي وذيبان وعايد القريشي... الخ كان شاعرنا له مكانته وبصمته وتألقه عطفا على ثقافته والتي كان لها دور في تميزه بالمفردة الجميلة ودقة التعبير وحلاوة المعنى.
كان له اثر كبير في حبي وعشقي للكسرات ويشدني في شعره التجديد في الطرح واستحضار الفكرة الجديدة وصياغتها باسلوب جذاب واذكر كسرة حفظتها لشاعرنا الكبير قبل ثلاثين سنة وهي :

سهما تمكن فؤادي وصاب=واللي رمى بالسهم صويب
هل في مثلي صويب وطاب =ولا تعالج وعيا يطيب

الشاعر عبدالرحمن صديق شاعر متمكن ويجيد العديد من انواع الشعر .. قرأت له الشعر النبطي والفصيح وكذلك الغنائي
وله مشاركات بقصائد للوطن ولينبع في اعدة مناسبات.وشاعرنا القدير له مراسلات جميلة مع كبار الشعراء اذكر منها :
عبدالرحمن

خصمي تعدى على المحدود=وادخل حدودي على حدوده
واحضر على مدعاه شهود=وبالزور شهدو له شهوده

احمد عطا


كل شي حسب الطبيعة يعود=والظلم ما تشده ازنوده
إلا او ان الهوى موعود=والكل يرضى بموعوده

وفي مراسلة مع الاستاذ عواد عبدالغفار

في يوم عن حكمكم مسؤل==يا خيرة الناس واعلامه
والنقل من مركزك ميحول=تحكم على المرء واخصامه
اللي ادعى والخصم مجهول=وعنده اشارات قدامه
لسمعت من منطقه معقول=تحكم على الغيب باعدامهعبدالرحمن صديق

الشرع واضح بلا مدلول=واضح بنصه واحكامه
يحكم على بينات عدول=بحضور خصمين قدامه
واللي ادعى دعوته ويقول=على حسب طالع اوهامه
فالشرع من دعوته ماينول=كل الذي كان فاحلامه

عبدالرحمن بن صديق شاعر كبير وله مدرسة شعرية متفرده نحتاج الى صفحات وصفحات لعطائه وشعره العذب
هذا بالاضافة الى اخلاقه العالية وصفاته الكريمة

[الريفي]

هلا بالاخ الغالي نواف
الروعة في تواجدك دمت بخير وحفظك الله من كل مكروه ومتعك بالصحة والعافية

[الريفي]

هلا بالاخ الغالي سلطان
الابداع في تواجدك دمت بخير وحفظك الله من كل مكروه ومتعك بالصحة والعافية

[الريفي]

هلا بالمعلم الفاضل ابوخالد
مشكور على هذا الاطراء الذي لااستحقه دمت بخير وحفظك الله من كل مكروه ومتعك بالصحة والعافية

[الريفي]

هلا بالاخ الغالي ابوعبدالله
هذا الوفا غير مستغرب عليك تمشي على نهج والدك الغالي ابومحمد والذي نكن له كل الود والاحترام دمتما بخير وحفظكما الله من كل مكروه ومتعكما بالصحة والعافية

[الريفي]

هلا بالاخ الغالي والصديق العزيز ابوفراس
عطرت المشاركة بهذا الكلام الطيب ووفيت وكفيت وماقصرت بكلامك الرائع حيال استاذنا الكبير عبدالرحمن بن صديق فهو فعلا من كبار الشعراء وكبير في المقام والمقال وعاصر كبار الشعراء ولاتمل من حديثه الشيق عارفة بكل ماتعني الكلمة نضرع لله سبحانه وتعالى ان يحفظه ويمتعه بالصحة والعافية دمت بخير وحفظك الله من كل مكروه ومتعك بالصحة والعافية