المساعد الشخصي الرقمي

مشاهدة النسخة كاملة : سلام ياجهينه


الحازم
12-06-2002, 05:43 PM
اخوي الجهني

اسعد الله مساءك

ان شاء الله تكون بخير

اردت ان اطرح عليك هذين البيتين اذا كنت تريد اللعب


يامرحبا ترحيبة العربان بالعلم النظيف = ترحيبةٍ تشمل جهينه برها وبحورها
اظنك يالسنافي عارف ماتقبل التعريف = واظن اللي يرد من العذارى دفع مهورها


وتقبل تحياتي وتقديري

اخوك / الحازم
الجهني
12-06-2002, 11:54 PM
اخوي الحازم مساك الله بالنور والسرور لك كم ليلة ماشفناك عسى المانع خير

استلم لاهنت
=======

دام البقا بالشاعر اللي غاب كم ليله ماشيف = ومن يوم حلّ وسط الدار زاد فيها نورها
المشكله ياصاحبي صعبت على الرجل الحريف = هدّت شباب المملكة وقفت في وسط نحورها



تقبل تحياتي وتقديري
===========
اخوك الجهني
الحازم
13-06-2002, 03:39 AM
اخوي الجهني

آسف على تأخري بالرد لإنشغالي ببعض الأمور

واستلم لاهنت


تراني حاضر والشريف اليوم يسأل عن شريف = والساحه اللي يوم طارت ماتطير طيورها
المشكله فالضيف يابن الناس والا فالمضيف = لكن لو شارتك لازم تستمع في شورها


وتقبل تحياتي

اخوك / الحازم
الجهني
13-06-2002, 02:18 PM
أخوي الحازم مشكلة غلاء المهور مشكلة كبيرة نسأل الله أن يكون في عون شبابنا القادمين على الزواج هذه الأيام 0

استلم
====

ترى الغلا ياصاحبي من صبيا لغاية طريف = عمم حدود المملكة من بحرها وبرورها
وحلولها تحديدها مابين كم وبين كيف = ويسعدون اخواننا وتجي حسب مقدورها


تقبل تحياتي
=======
اخوك الجهني
الحازم
13-06-2002, 04:25 PM
اخي الجهني يعطيك الله الف عافيه

على تجاوبك معي في الموضوع

واستلم لاهنت


قلت الكفيف اللي نظر واللي نظر يرجع كفيف= والمملكه برجالها حزينها ومسرورها
بعض العرب مايقبل التحديد لو قالوا خفيف= يبغى يبيع ويشتري من عميها في عورها




مع تحيات

اخوك الحازم



تكرم يا أستاذي / المعاصر
الجهني
13-06-2002, 05:37 PM
اخي الحازم الله يعطيك العافية
استلم لاهنت
======

العاقل اللي يرضى بالمهر ولو قالوا طفيف = يتبع شريعة ربنا وموضحه دستورها
واللي يعاند مارضي له حدة السيف الرهيف = وتبقى العذارى تنتظر طول العمر في دورها


ملاحظة / اخي الحازم حاول كتابة الأبيات بواسطة كود الشعر لأنني حاولت الدخول على مشاركتك السابقة واعادة كتابتها بكود الشعر ولكنني لم استطع الدخول فاعذرني ولكن لنا أمل بعد الله في أستاذنا المعاصر في إعادة كتابة البيتين السابقين بواسطة كود الشعر ليسهل على القارئ قراءتهما وله جزيل الشكر




تقبل تحياتي وتقديري
===========
اخوك الجهني
الحازم
13-06-2002, 07:14 PM
اخوي الجهني

شكراً على الأبيات

وشكراً على الملاحظه

لقد كتبت البيتين السابقين من جهاز آخر

لم يكن به لغه عربيه

فحاولت الدمج ولكن للأسف خرجت بهذه الصوره

وتفضل اخوي


وقت الجفا فالصيف يالأجواد والا فالخريف = لا صارت الباحه يجي منهيها مأمورها
ترى المجال ليا بدا كلن يضيف اللي يضيف = لكن بالتقوى تلاقي جنة مع حورها


اخوك / الحازم
الجهني
13-06-2002, 09:52 PM
مساء الخير أخوي الحازم

استلم لاهنت
=======

الله يعين اللي نوى ياصاحبي يصبح عفيف = عز الله انه ضاع بين شبكته وقصورها
كلن يضيف اللي يضيف ان كان شاف انه ظريف = ويبحث لنا بعض الحلول النافعة ويدورها



تقبل تحياتي وتقديري
===========
اخوك الجهني
الحازم
14-06-2002, 01:42 AM
اخوي الجهني

تسلم على هذه الأبيات الرائعه

واستلم لاهنت
الحازم
14-06-2002, 01:56 AM
اخوي الجهني

تسلم على هذه الأبيات الرائعه

واستلم لاهنت




اللي صبر يلقى النهايه والفرج ماله وصيف = واللي عجل تجيه علّه مالقى دكتورها
لاجاك شرط الجسم ويش تقول فالجسم النحيف = والحل واضح فالمكينه يوم لف سيورها


اخوك / الحازم