غرورك ،،،

[محمد الهريويل]

كل مابديت الحكي بافصاح = القى جواب الحكي مهمل
ضنيتني بالمنام ارتاح = من حال سالي بها يسهل
قطر الندى لارأيته طاح = يروي على الورد في المشتل
قلت إنهمار العرق لاساح = من فوق خديك جال اشكل
وتذكر عبير العطر لافاح = لولا تواجدك مايحصل
ان قلت عين المها ذباح = تشرح على عيونك الأجمل
لما طرو للجمال وشاح = قلت اكسبه بالجمال افضل
فرحت قلت الغرور انزاح = وليا غرورك وجد باشكل
غرك كلام الّذي مداح = لخلافك الوصف ماتقبل
كل مانويت اجعله منزاح = القى قراري معك يفشل
ما اقول غيرك نجم وضاح = لو قلت صار الفكر مشغل
اقرأمثل للغرور إصلاح = ماغر يوسف جمال اكمل

[أبو ياسر]

رائع يابوعاطف
الله يعطيك العافية

[أبو فياض]

ياسلام يابو عاطف
فيه حاجه ان حاس كذه

وتذكر عبير العطـر لافـاح=لـولا تواجـدك مايحصـل
ان قلت عين المهـا ذبـاح=تشرح على عيونك الأجمـل

واصل ولا يهمك خليه يغتر مدام هذي اوصافه

[المعلم]

جميل هذا الوصف
ولو أن الغرور داء عضال
لكن العين لاترى عيب من أعجبها
ولا ترى عيب نفسها
سلمت أبا عاطف
عزف منفرد بلا جدال
تحيتي لكم