قصيدة في رثاء الملك فيصل رحمه الله

[دايم السعد]

قصيدة في رثاء الملك فيصل رحمه الله
---------------------------
قصيدة يرثي فيها سمو الأمير عبدالله الفيصل والده الملك فيصل رحمهما الله جميعا




أصيح يافيصل على راس ماطال
وين انت يا راعي العلوم المجيدة
حسّيت بالوحدة ونا بين الاظوال
وجرحك بقلبي قام ينزف صديده
الحال عقبك , لا تسايل عن الحال
معـيشتي ضنـك وحيـاتي زهيـدة
فارقـت مـن فـارقتـم راحـة البـال
ولّذات عيشي والليـالي السعيـدة
مثل الغريق اللي شفوقٍ على الجال
فتـرت زنـوده مـا بلـغ مـا يــرده
مصايــب الدنيــا زمـان وتـنــزال
ومصيبـتـك فـي كـل يـوم جديده
البستني من لوعـة الحزن سربال
لا قلـت : ولّى شفـت شـي يعيـده
دفنت في قبرك عظيمات الآمـال
ومحـاسـن الـدنيـا عـليـّه بـعـيـده
ولوعتي من شوفي التِّرب ينهـال
عليـك يا عِـزِّي بجوف الـلحيـدة
لو مات نصف الناس ماسايل سال
ماهـم فـقـيـده انـت الـلـي فـقـيـده
لو اني حظيظ كان قبَّاض الآجال
خـذنـي قـبـل موتـك منـاة وحيـدة


معاني الكلمات :
على راس ما طال : فوق أعلى جبل
الأظوال : الناس
لا تسايل : لا تسأل
فترت : تعبت
بجوف اللحيده : بوسط القبر
ما سايل سال : ما سائل سأل
ما هم فقيده : لا يفتقدهم احد

معنى البيت الأخير :
لو عندي حظ كان قبضت روحي قبله وهذه امنيتي الوحيدة


http://www.kingfahd-binabdulaziz.org/imagesearch/images/big/257-500.gif

[المعلم]

رحم الله الملك فيصل
وجزاه عن الإسلام والمسلمين خيرا
شكرا دايم السعد