لحن جديد ومن مجلس العمدة أيضا ليلة الأحد 1 / 12 / 1423 هـ

[أبو رامي]

ما زلنا نتواصل مع الألحان الخالدة التي تدور في مجلس العمدة
ابراهيم سلامه أبو عيسى
هذا اللحن دار بين الشاعرين عايش الدميخي وشتيوي عبد الله من جهة ، وفي الجهة المقابلة الشاعران محمد راضي المرواني ومحمد جميل الريفي
ليلة الأحد 1/12/1423هـ

وقد كانت البداية من
عايش وشتيوي ، والرد من محمد راضي ومحمد جميل




هيا اسمعوا يارفاق الصف = بعد اجتمعنا بلا ميعاد
الدمع من ناظري ماكف = خلى قديم الجروح جداد

هذي عادات الرفق والولف = والطيب بين العرب منقاد
قبل السبب لا عنه نعرف = ما اقدر أوصلك للميراد

آنا على القيل باستأنف = واعلم ترى للمثل نقاد
ما زال دمعي معي يذرف = من ويل ومذوب الأكباد

حنا معك فاللزم نوقف = لا بان منك الدليل الجاد
الدمع من وين مستهدف = اللي منه ما هناك رقاد

ملحق على ما سبق نردف = ويضاف للي عليك انقاد
صد الأحبه وقل العطف = في مقابل العطف مني زاد

توي عرفت الذي تهدف = والقيل واضح بلا استبعاد
كلا حسب ما ولف يالف = من جد وجده معك لا جاد
بمسايسه والكلام اللطف = يعود من كان عنكم صاد
يرجع على ما مضى ويصف = مهما تكون الليالي بعاد

وانكسر اللحن




وكانت بداية اللحن الثاني من
محمد جميل ومحمد راضي والرد من عايش الدميخي وشتيوي عبد الله



صفو المشاعر وصدق الحس = بذلتها بطبعي الحساس
لكن لقيت الوفا بالعكس = ما طابق الود والإحساس

ما هو من اليوم والا من امس = اللي وردنا على القرطاس
الطيب راعيه ما يبخس = يبقى ما بين العرب قرناس

اعطيت بعض الخلايق درس = فالتضحيه واحترام الناس
جانا الجزاء ما عليكم دس = اللي منه مشتكين الباس

لو كنت من جالهم محتس = ما اعطيته الطيب دون قياس
ما ضاع طيبك وجهدك مرس = وعليك ما دقت الأجراس

لا تجعلون المثل في عمس = احكم حكم واجعله نبراس
عكر صفا خاطري والأنس = اللي جعلته عزيز وراس

آنا أشهد إنك طمسته طمس = واعذرك لو قلت لي محتاس
ابقى على اصلك وطيب النفس = فاللي شرطته ما بين أقواس






أرجو المعذرة إذا كانت هناك بعض الأخطاء ، فالخط لم يكن واضحا حيث كتب بقلم الفلوماستر ، وأرجو من الشاعر محمد جميل تعديل الأخطاء إن وجدت