واساميرااااااااااه وا ابو دنقرااااااه

[بشير]

من العايدين راح النص وربنا يعطينا ويعطيكم طول العمر والصحة والسعادة ويتقبل
وجانا العيد اهو جانا العيد اطفالنا اشتروا اللبس الجديد ومن العايدين ومن الفايزين ان شاء الله
يا سمير يا شيخ محمد علي ربنا يديكم الصحة ويمدكم بعونه وتوفيقه البلد واهلها متعشمين فيكم خير وانتوا رجال ومشهود لكم ولكم سوابق يعني اصحاب سوابق وعلوم سنعه ياما تحملتوا هم اهلكم وبلدكم وياما فرحتونا الله يسعدكم وياما حاربتوا على الجبهة وناضلتوا والبلد كلها معاكم يد وحدة ؟؟؟؟؟؟؟؟؟؟؟؟؟؟
بس عاد الحصانين والسيسي والدبابات شوفوا لها حل مو خليطي مع الالعاب نبغى تنظيم على كيفكم وارفعوا السعر من حقكم يارب لا تقطع لكم عادة
عمووو سمير هيه هيه
عموو الشيخ هيه هيه

؟؟؟؟؟؟؟؟؟؟؟؟

[الضآمي]

مافي شك الالعاب الشعبية حلوة.. بس التطور كمان حلو ;)

ولا تقيس التطور بملاهي الحكير الي عندنا يبغالك تشوف الملاهي والالعاب زي الموجوده بباقي العالم

بس ما نقول غير الجود من الموجود

والله يعطيك العافيه اخوي بشير وتحياتي لك..

[سعودية الهوية]

http://www.r7eq.com/image/Files/Sport.gif
يابشير
الملاهي كلها مشتاقة لك

[n_kaleed]

اشترينا لاطفالنا ملابس العيد السعيد وكل عام وانتم بخيروبعض الاطفال جالسين يسووا بروفة على اللبس وطريقة اللعب بالمجاريح (اسف المداريح)هيا ولا بلاش حتى لو فيها قطع ارقاب المهم وكل طفل يعلق صيدلية لا سمح الله للضرورة بس الله اعلم الشغلة اتفركشت على دمة احد المنتديات الصديقة يعني اطفالنا رايحين يلبسوا وياخدوا العيدية بعدين يرجعو يناموا ويعيشوا باحلام وردية احلى من ملاهي عمو سمير وابو دنقر اخوان وشمس تطلع وخبر ويبان وكل عام وانتم بخير وان كان حبيبك عسل ...الخ

[محب الموروث]

آه ياليل آآآه ياااااااعين ..
واحليييييه ياليحايومااا ياليحاااااني ياعمي زمنين وأنا صابر ..
معاك أمانة ياترجمان الغرام دله ..
إن كلمك كلمه وإن ماكلمك قُله ..
عبدك عمل ايه علشان تجازيه بذا كله ..
معلش يابوالبشاير .. لازم أول الرشة البلدي هادي .. وربك من القلب ..
ومادام لك قلب وأنا ليا قلب معناته الكلام من القلب للقلب .. بس وجرمة لاتقول إلا يارب ..
وعاد إنت إدعي على كيفك ..
ربنا يعيده عليك وإنت بخير ومتعافي يابشير ..
أخوك زي بعضه عنده اذا سووا عيد فينبع البحر والابطلوه لأن النية إن شاء الله أبغى أعيد خارج ينبع ..
لاتستغرب ياعم .. أنا أقولك ليه ..
شفت الناس كل واحد له جماعة خارج ينبع والعالم ماتحسب تبتدى العطلة وطيران .. في كل اتجاه .. وعيٌد ياعيد ..
قلت مايبغالها واخترعتلي ربع علشان أروح أعيد معاهم .. ياعمي المدن التانية أعياد وأعياد وأعياد قلت أبسط الأولاد وأخذهم .. ايش أسوي يابشير .. العمر واحد والرب واحد ياعم ومين يضمن عمره .. قلت خليني ألحق ابسطهم ..

(بس انصحك بس وأوصيكي ..
جمع الأحبه نهار العيد ) ..

وآآآآآآآآآآآآآآآآه .. ياينبع ومليون آآآآآآآآه ..
كله على الله يابشير ..
وقول ياسعد الله ..

[البدوية]

لين مستعجلين على العيد توه ماشبعنا من رمضان
واحلى ملاهي في ينبع ملاهي سمير صح شعبيه بس تحس فيها بايام زمان وعيدنا واحنا صغار ونتمنى اطفالنا يعرفوا كيف كانت اعيادنا
واللي ماهي عجباه ملاهي سمير يروح الحكير ولا غريها بس يتاكد من صيانه الالعاب فيها لانه حيات اطفالنا اغلى من ميه لعبه مطوره
والصراحه حلوه
ودمتم بود

[بشير]

اعتذر من ادارة المزالس على الكلام اللي امس كتبتو وحذفوه بس انا كمان معذور من حرتي تسحرت واكلت دقس حار مررره حسيت الحراره خرجت من سموعي وصدري شب نار احيييييه لافيمتو فاد ولا شراب طوط ولا بيبس اخرتها تممت بالقمردين وافتكرت حال البلد وحبيت احفز ابو سمر والشيخ ليهموا بدري ونشوف اثار الملاهي تنشأ بدري وترانا متعشمين في الله ثم فيهم خير كثير نبغى نفرح ونفرح عيالنا ونحس بالعيد وفرحتو
الله يفرحك يا ينبع
زحليطه ومدريحه
وزميره وزحليقه

بعدين نكمل

[بشير]

شكرا الضامي
ياعمي احنا مانحس بفرحة العيد لو ما شفنا ملاهي سمير وجلسة الشيخ محمد على اللي ترد الروح
خلي التو طور لأهلو

إذا كان حبي للثرات والأصالة والتاريخ المجيد والمداريح جريمتون
فليشهد التاريخ بأني داشرون

[بشير]

شكرا سعودية الهوية
وي اشبك عليا تبغي تصعقيني صعق شكلها 220 الكهربا دي تخلي الواحد يصعك

[بشير]

شكرا ابو الوليد
تفاءلوا بالخير تجدوه
ربنا يحفظ لنا ولك وتفرح بأولادك يارب

[الكوكب]

اذا كانت المشكلة التنظيم بسيطة محلوله

لكن الحرمان بشكل بات فيه تعسف

سؤال مهم هل تستوعب ملاهي الحكير وهل تفتح ابوابها من الصباح


تدكرو سوق رمضان في ينبع كيف كانت نهايته وكيف اصبح في الهيئة


اتمنى ان لا يتكرر السيناريو ويتركونا نعيد بطريقتنا

معقول ان يكون هذا القرار في شخص واحد . اسف سلملي على المجلس البلدي

[البعيــ ع ــد]

اخي بشيييييييييير كلامك حلو بس اذا كنت تقصده والحق يقال ان ملاهي سمير وابو دنقر مكان للتجمع بين اناس ينبع الطيبين ،فالمكان رمز واقيمت به حفلات وملاهي سابقة وقبل ان يكون هناك حكير او غيره ،،،،، تحياتي لك

[بشير]

شكرا اخويا محب الموروث
ياخصاره يابو صحب فين تسافر وتسيبنا
والله وصرت تعيد برا ينبع ترا ملاهيهم من برا الله الله ومن يجوا يعلم الله
فين برحة العيد حقت عم مستور الله يرحمو





شكرا البدويه
اهو جانا العيد اهو جانا العيد



شكرا الكوكب
كلامك كدا زي الهنا على القلب كلام يرد الروح وشرح وما قلت غير الحقيقة

[محب الموروث]

إيوا ياعمي .. خذوهم بالصوت مدري بالغشنة .. وقبل مايتعشابك افطربه .. ويادندرمه بالحليب ..
إنت ياعمنا قلت رايح عمره يعني مسألة يوم والا يومين بالكثير ورحت أخذتلك وراها جوش ماابغى اقولك قدايش ..
بس لجيت للحق أنا عاذرك ومايعرف النار الا واطيها .. إنت يابشير زي حالاتي تفضى يوم وتنشغل عشرة وعشان كذا مشاركاتي على قد الحال ومتى مازانت الحال .. يابويا مااحنا لاحقين فهادي الدنيا المدربكة ( على فكرة دربكة قريبة من دربكة ) وكله يرقص ويلنجح ناس على رجل وناس بلا رجل وحايسين زي عمنا هذاك وهو داخل مدينة ملاهي .. شي نفهمه وعشره فاتحين الفم متهولين ماطلعنا على كذا يارجل .. مانقول الا يارب تخارجنا وتعينا وتلطف بنا ياكريم ..
يابشير ..
ياعمي أنا ماأذنت فمالطه ..
كلامي من الواقع والمقاسات زابطه ..
واقولك بالواقع يابوالبشاير ..
فالسنوات الأخيرة الكل شايف ان عدد سكان ينبع ازداد بشكل كبير جدا وتجاوز المية ألف مدري المية وعشرين ( الله يحفظ ويبارك ) .. وصرنا ( يعني أهل ينبع ) زي الغربا فالبلد مانعرف اكثر اللي نشوفهم وفين لما تقابل ينبعاوي زي الفاكهة .. يارجل اذا ابغى احصي نسبة أهل البلد مع اللي جونا من كل محل بالكثير الكثير لايمتكن ولا حتى بالمخاوزة انهم يزيدوا عن الثلث ..
طبعا والثلثين من السكان كل واحد منهم يبغى يعيد فديرته مع ربعه ..
بس عاد شوف الهيئة الملكية اللي سكانها مايجوا نص سكان ينبع البحر رغم ان اللي يبقى فيها قول نص السكان لكنهم ينظموا احتفالات للعيد على أجمل مايمكن وبتكلفة لاتقارن بما تصرفه ينبع البحر ( اقول هذا الكلام وأنا مطلع وقريب من هذه التنظيمات ) والبركة فالأوادم اللي يحبهم قلبك فالهيئة وخصوصا عيال ينبع الأبرار على رأسهم دينمو احتفالات ( عيد معنا في ينبع ) الأستاذ خالد سبيه والأن ولد ينبع الخيٌر الأستاذ نبيل زارع وزملاهم الله يحفظهم ويوفقهم ..
المهم يابشير المسؤولين فالدواير الحكومية اللي من خارج ينبع ومن حق كل واحد يعيد عند ربعه لكن الهرجة على المسؤولين في الجهات التي تؤدى خدمات هامة للمواطنين طول السنة ولايمكن توقفها وخاصة اذا كانت أكثر الصلاحيات أو القرارات الهامة في يد أو لايمكن تتم الا بتواجد المسؤول الأول في الجهة ..
ماأدري ليه يابشير دايما تجي فبالي الكهربا وأقول الحمدلله ويارب تحفظ وتوفق ابن ينبع البار المهندس نهار بن صديق .. وهذا الرجل الكل يثني عليه وعلى تعاونه وتواجده في قلب الحدث وحرصه على الاستجابة الفورية لراحة المواطن ..
ويارب تعين وتوفق المسؤولين في الجهات التي تتصل خدماتها بالمواطن وبالأعياد .. ونشوف بإذنه تعالى أجمل احتفالات العيد في ينبع زي ماكانت زمان وأحسن لما كان الناس يجو ينبع من مكة وجدة والمدينة ومن كل محل يتفرجوا على العيد والأنس اللي مافيه زيه ..
هاذي هيا الهرجة يابشير بالتفصيل المفتشري .. وربك يابشير اني مااتخيل اني أعيد خارج ينبع .. لكني شايف العالم تفر هنا وهناك وكل واحد من يمه وشايف الخطورة اللي تهدد احياء احتفالات العيد ..
وخليك مكاني يابشير لما تشوف أعياد ينبع ايش يصير فيها وماعندك الاالحكير وماأدراك ماالحكير والغشنة اللي فالحكير والسندوتش اللي مايشبع الطير وسعره غير ..
البركة زي ماقلت فالعمدة وسمير لكن هل معقول الأطفال مايروحوا الا عند العمدة وسمير بس ويرجعوا ننومهم متنكدين ؟؟؟ .. ولاتنسى انهم يسمعوا عن العيد ويشوفوا في التلفزيون ويتحسروا مساكين ..
هذا اللي جبرني أفكر أخذهم بلد غير ينبع واخليهم يلحقوا عمرهم ويعيدوا زي اطفال المسلمين ..
بس لعلمك وسلامتك ..
وبعوده الأيام يازعيم .

[الرايق]

حبيبي بشير والله إنك تنفخ فقربة مشقوقة
ماحد يمك ريحك نفسك اللي يقولون عليه هو اللي راح يصير
كتبت ولا ما كتبت ... قالوا مافي عيد يعني ما في عيد ... إنت توحي ولا ما توحي ؟
إسمع كلام أخوك محب الموروث وطخ عيالك وعيد بره أحسن لك ولهم
وأنا مع أخي محب الموروث هج يا ولد هج .

[عبدالله الفايدي]

حياك الله اخي بشير.... وكل عام وانت بخير
والله للاسف اليوم علمت ان لن يكون هناك عيد شعبيى في مكان كل سنة طبعا البركة في البلدية
على حد قول احد أصدقاء العمدة ابو دنقر الذي قال لي اعتقد انه عزم الذهاب الى الهيئة الملكية
ليقيم ألعابه هناك اما نحنو فليس لنا الاقول حسبيى الله ونعم الوكيل على من كان السبب في حرمنا اطفالنا من فرحة العيد ....

؟؟؟؟؟؟؟؟؟؟؟؟؟

[SIZE="5"][COLOR="Purple"]بكل حسرة وألم اقول رجالك فين يا ينبع

[FONT="Monotype Koufi"]والسلام عليكم ورحمة الله وبركاتة

[بشير]

بيض الله وجيهكم يا سمير وياشيخ محمد علي ويا كل من يحب ينبع
وتفوووووووووووو الف والف تفوووووووووووووووووووووووو
على من ايد وساند البلديه في قرارها السابق المعفن
سبحان الله سمير يعمل لصالح البلد والدفاع المدني يخلي البلدية تتدخل فعملوا ياشيخ ايش دخل البلديه في اشتراطات السلامة ومطابقة الالعاب للمواصفات احا هذا شغل الدفاع المدني ..

محـــــذوف ؟؟؟؟

[الجواد الأبيض]

عجييييييييييييييييييييييب يعني مفي عيد شعبي السنه
الله يلعن أبو الكتمه والزهق والطفش
يعني كل شي يبغو يحرمونا منو حتى المدريح الشعبيه الى تميزت بها ينبع يبغو ينسفوها نسفا
اقول اذا سلمنا بكل شي واستسلمنا لكل شي ترى نبغا نروح ملح
يعني البلد ماعندك احد يهرج ولا ايش الكل مكتف يده ويقول يعمي مالي شغل .
يعني نروح الحكير الي مالها طعم ولا ريحه

[بشير]

جزى الله من سعى خيرا
ومن العايدين

عمو سمير
عمو الشيخ

هيييييييييييييييييييييه


فليرقد الحاقدوووووووووون

بعون الله الرجال ما ضوووووون