البارح تقاعد العميد/ياأبو مقبل

[ضمن السناني]

الصديق (اللدود) أبو مقبل

استلم لاهنت
ياأبو مقبل ليلة البارح (انحال العميد)=للتقاعد يوم قام الدموع يهلها
ضاع جهده و(اللواء)ساحباً منه الرصيد=والمصايب فوق راسه توالت كلها

[الجهني]

هلا وغلا ياأبو عواد أثرك رياضي ومتابع للأحداث بس لا تورطنا ترى أخوك مايعرف في الرياضة شئ :

استلم ياالذيب


ياضمن ياصاحبي يفعل الله مايريد = في يديه يصير عقد الامور وحلها
للعميد رجال ماضاع جهده مايبيد = لا تقابل مع ( لواكم ) سيوفه سلها

[ضمن السناني]

ألف مبروك يالقرم

واستلم
عيدنا عيدين ياصاحب الرأي السديد=(والخشوم الفطس) قامت على من ظلها
ولو قضاعه تنتخي فيه فاليوم الشديد=الدروب البيض ياصاحبي مادلها
:D:Dلاهنت

[الجهني]

ترى جنيهات الذهب بالمواقف ماتحيد = لا شافت نارالمعارك تحضر خيلها
انتخينا بالسنافي وجاب العلم اكيد = ماحسب مدة يده كثرها من قلها

هلا أبو ريناد وسلامة الأسفار الحمد لله على السلامة

[سلطان الليل]

طارت الارزاق والاهلي حديد= لا نشف ريق العباد يبلها
كامل الاوصاف ما ينقص يزيد = ولابغى التتويج فاز وفلها

[ضمن السناني]

أخي سلطان الليل

شكراً على المداخلة

واستلم ياأبو مقبل
فالمواقف عودت كأنها قطعة حديد=وأربعه بالرأس في دقها مع جلها
ومالها ياصاحبي غير (كرباج)و (جريد)=يرحم الله(طيب) الذكر يوم ان ذلها

[الجهني]

استلم ياابو عواد وتمل إذا جيت من الحج إن شاء الله :

أنشد أهل المعرفة تسمع العلم المفيد = وصل ( الاتي ) منزلة من قدر يوصلها
هو عميد الأندية لا تعيد ولا تزيد = والعمادة من قديم الزمان احتلها



والميعاد بعد جيتك من الحج سالم وغانم