الشعراء يهنئون عميد الغباوي الشاعر محمد جميل الريفي بإصدار كتاب غباوي رمضان1427هـ

[أبو سفيان]

ونحن على الموعد غــدا إن شاء الله مع غباوي رمضان للشاعر / محمد جميل الريفي
نجدها فرصة لننشر التهاني التي تلقاها عميد الغباوي بمناسبة إصدار كتاب الغباوي
للعام الماضي/1427هـ والردود التي سطرها شاكرا للمهنئين ومعبرا عن مشاعر الرضا والامتنان .



احمد الدبيش
لك حق تفخر بما قدمت = ماانته فهذا الأمر مسبوق
أحييت فن الغباوي وجدت = يشهد لك الصادر الموثوق


محمد جميل الريفي
عليك طيب المعاني سمت = وتوجتني بروعة المنطوق
وانت بذلت الوفا في صمت = ياصاحب المركز المرموق

عايش الدميخي
أحيا موات الثرت بفن = وبسلوب مدروس ومطور
وراعى أصول المثل والقن = ماقلد الغير مازور
و له الثنا فالملا معلن = ومكتوب بأقلام ومصور
وبالشكر تنهج له الألسن= وعساه فيما بذل يؤجر

محمد جميل الريفي
عن ودنا تعرف وتفطن = والمنتدى أزهر ونور
وتمثال سويتلك محصن = مكنون فالقلب ومسور
ومعاك طيب المثل يوزن = ومثلك فالامثال ماتهور
واللي معك يكسب الأحسن = وغيرك فالاحكام مادور


محمد بن هيلون الشريف
يابو جميل الغباوي فن =وزينته بمحكم الآيات
عني وعن كل متمعن= إنجاز يحسب لكم بالذات


محمد جميل الريفي
إنت ورثت الوفا والقن= وفالشان هذا لكم بصمات
وشرفتني فالمثل يومن=بالطيب جاني شعور الذات


طه محمد بخيت
قدمت عذب الغباوي حان= دوري أقدم لك شعوري
يشذا جميل الورود ألوان= لتمايلت عطرها جوري
تحمل لك الشكر والعرفان= واعجابها الروح وسروري
لابوجميل اجعل العنوان= وكل عام بأفراحها دوري

محمد جميل الريفي
يامعلم الحرف شانك شان= بحرك تعانق مع بحوري
وطيبك تناثر على الوجدان= إن جيت وإن غبت في حضوري
احرص عليه البنا بإتقان= كله على شان جمهوري
وإن كان منا بدا نقصان= من يبذل الجهد معذوري


عبدالرحمن محمد القاضي

إسمع فيما قاله القاضي= في كتابك اللي لنا مخبور
مشكور وانا عنه راضي= وعنه رضي جملة الجمهور
لعل مايجيكم العاضي= وتسير في حالكم مسرور
لك الوفا من قبل ماضي= وابوك من قبلكم مذكور

محمد جميل الريفي
بسلوب عملاق ورياضي= جاني وسام الفخر ممهور
وثمنت الأقوال ياعواضي= وتدوم ياحضرة الدكتور
ما انت عن الطيب متغاضي= زمان كمله لكم مشهور
يارمز بالمعرفة ياضي= خضت المعارك بحر وبرور

عواد محمود الصبحي
اللي جعل للغباوي حس= وزيـّن لها النظم والمبنى
قدم لنا في ثنايا الدرس= موروث صافي وله معنى

محمد جميل الريفي
انت ذهب وزنته ماتخس= راقي ولاتعرف الأدنى
واليوم هذا مضالي خمس= ولعل فالآخرة نهنى

احمد ظاهر
خامس سنة مع غباويكم= نحسب لها اليوم الف حساب
يتابعوكم محبيكم=واللي ماتابع يجيه كتاب
عجيب هذا الامر فيكم= مابعد هذا الامر إعجاب
مين اللي يقدر يجاريكم= مبروك يامجمع الأحباب

محمد جميل الريفي
حزت الشرف من معاليكم= وتوجتني بأحسن الألقاب
هذي شهادات مغليكم= بروزتها والنفوس طياب
زمان نعرف اياديكم=بياضها بالوفا منساب
ياستاذ لو قلت ما اوفيكم= لأجلك على قمة المرقاب


عودة عليثة ابورقيبة
عاده لكم ياعساها تدوم= يامن لكم بالمعاني باع
خامس سنة والغبو منظوم= بإصدار متقن وذكره شاع

محمد جميل الريفي
الطيب جاني عنه مرسوم= بسلوب متناسق الإبداع
وانا لهذا الامر ملزوم= مادام نلقى عقول وساع


محمود عزازي

يامعلم النشأ للآداب=يااستاذ ياصاحب الخبره
سلام مع كامل الإعجاب= ومشكور ياصاحب الفكره
صغت الغباوي أدب فكتاب= ممزوج في نكهة الكسره
وأصبحت من أول الأقطاب= في عالم المجد والشهره

محمد جميل الريفي
توجتني بحرفك الجذاب= اللي شاهدناه فالنشره
ترحيب يازاكي الأنساب= ياحفظ الود والعشره
زمان منك الوفا منساب= لأجلك من رجال مقتدره
تبقى على قمة المرقاب= من أمس واليوم ولبكره


كامل محمد بخيت

تنفس الصبح واستنشقت= أريج من فيض بستانك
ياصاحب الجود ماقصرت= الطيب ساسك وعنوانك


محمد جميل الريفي
تعطر الجو واستبشرت= من طيب قلبك ووجدانك
واللي على خاطري سطرت= يفوح من دوحة أغصانك



مبارك حسين القش
مااستغرب الجود من راعيه= اللي لنا أرسل كتابه
يهديك ربي لما يرضيه= وينجيك من كربةحسابه

محمد جميل الريفي
يااستاذ بالمعرفة مغليه= نهج الوفا من تكسابه
علمتني حرف مستبقيه= حافظ معانيه وآدابه

شتيوي عبدالله الرفاعي
تاج المعاني عليكم لاق= وعرش الغباوي حجز باسمك

هذي حقيقة بدون نفاق= تبقى ويبقى لنا رسمك


محمد جميل الريفي

إنت تعليت فالأفاق= والطيب والعرف من كسمك
يكفيك من مدرسة عملاق= أخذت من منهله قسمك


يتـــبع

[أبو سفيان]

تكملـــة كسرات المهنئين والرد عليها من الشاعر / محمد جميل



محمد راضي المرواني
نظم الغباوي لنهجك طاع=وبسلوب راقي مطوعها
ولك فالأدب والغباوي باع=من خمسة سنين نسمعها

محمد جميل الريفي
لك طيب بين الخلايق ذاع=وأهل الوفا من منابعها
واكيد جهد الفتى ماضاع=وانت وغيرك يراجعها

خليل ابراهيم الثقفي
سرقني الوقت والتعبير=وانا أدور لكم عن شكر
واجازي الجهد بالتقرير=اللي بنيته لنا عن فكر
مالقيت مايوافي التطوير=لرسم الغباوي طوال الشهر
غير الدعاء لك بالتيسير=وتنال أجره ويبقى ذكر


محمد جميل الريفي
يامرحبا والنفوس بخير=والود في قلوبنا يمطر
وحرفك ورد في اجمل التصوير=وانته فالامثال ماتقصر
حتى منه ورش النوير=وعم المسى والصباح ازهر
وزمان عندي لكم توقير=وياكم بأمثالكم نفخر


فايز القليطي
تقدير من خاطري لجلك=مرسول مع أجمل الألحان
يابخت منه كتب مثلك=يبغى رضى ربنا الرحمن

محمد جميل الريفي
أهديت كل المشاعر لك=واوفيتني صادق الوجدان
لك طيب معروف ومدرك=مايخس مع دورة الأزمان

مسعد العزامي
يالشيخ جتنا الهدية منك=على حسب وعدها الموقوت
ماغير ارفع تحية لك=كأنها عقد من ياقوت


محمد جميل الريفي
لك ود ماظن يخفي عنك=زمان في قلوبنا مثبوت
وطيب النبا جسده معدنك=وانت عليك الوفا مايفوت

حامد عايد القريشي
يأمن لكم باع فالغبوات=يشهد لك الكل بالمجهود
وفيت كفيت والإثبات=خمس سنوات لك موجود
كل عام تصدر على الساحات=كتاب معلن عنه مشهود
ويامحمد أمالنا فآلات=تبقى على نهجك المعهود

محمد جميل الريفي
توجتني بأعذب الأبيات=مشكور يالصاحب المعدود
عليك طيب النبا والذات=يأمن جعلت الوفا ممدود
مأوفيك لونكتب الصفحات=ولعل مانبلغ المقصود
من قيصر القيل والكسرات=انت كسبت الادب والجود

خالد موسى القليطي

يأمن فالامثال علمنا=رسم الأحاسيس والأشجان
أنا والأشواق سلمنا=جينا نلاقيك بالألحان
إصداركم صار واذهلنا=لما رسمتوه فالأغصان
يانجم كم فيك أملنا=جبت العماده من الميدان

محمد جميل الريفي
لك ود فالقلب صممنا=يجري مع الود فالشريان
وماوفيك لو كان قدمنا=ولاينلحق طيبك الهتان
عبر القنوات كلمنا=بإحساس ضافي على الوجدان
ولي حق لو قلت ثمنا=راعي المواجيب والإحسان

خضر زارع الحربي
وصل الكتاب الذي فحواه=طيب النبا والأدب والفهم
تقديرنا للذي أهداه=محمد اللي رقى بالعلم

محمد جميل الريفي
جانا جوابك وقدرناه=وتدوم ياحضرة الملهم
في داخل القلب سجلناه=وعن ودنا تعرف وتعلم

أيمن عبدالله ابوغمري
بالأمس كان الامر محدود=واليوم عدى الحدود وفاق
واللي كتبته هنا مرصود=وفكرك وصل عالي الأفاق
بسلوب فيه الادب موجود=الدين ساسه مع الأخلاق
أهديتني كتاب فيه بنود=يحوي غباويك ياعملاق

محمد جميل الريفي
قولك وصل واسمع المردود=ونستقبل الطيب بالأشواق
تشجيعكم غاية المقصود=ياموتقين الرفق بوثاق
تمشي على سايق المعهود=وعن الوفا مالنا مدراق
وانت كسبت الادب والجود=وابوك من خيرة الارفاق

فايز الفايدي
مهما كتبت ومدحت وقلت=من قيل ومن قول مايكفيك
راعي جميلة زرعت ونلت=وقلوبنا ياعسى توفيك

محمد جميل الريفي

انت على الطيبة مازلت=ولاني من الذاكرة ناسيك
بتشجيعكم فالغباوي جلت=ولعل مانبذله يرضيك

سعد مسعد المحياوي
مجالس النت تجمعنا=لحل الغباوي مدار الشهر
واليوم في كتاب شرفنا=عميد فنه بهذا العصر

محمد جميل الريفي
مادمت فالمنتدى معنا=في حل الألغاز نستبشر
مثبوت لك في مراجعنا=تمتاز بالمعرفة والفكر


عبدالله الغانمي
ليت الذي تكتب الأقلام=من الشكر يكفي توابك
في شوق صرت انتظر كل عام=الصوم والعيد وكتابك


محمد جميل الريفي
أخذت هذا علّي إلزام=كتابنا يوصل لبابك
تستاهل الود والإكرام=حتى ولو طول غيابك


العضو عبدالاله
الشهر يافي ونوب يهيف=ولاانت طول العمر وافي
في مدحك القيل ويش يضيف=يقصر قصيدي ولايافي

محمد جميل الريفي
ترحيب منا عدد ماشيف=عليه طيب النبا ضافي
يارمز من دوحة العريف=وداً على ود متصافي

[سلطان ينبع]

أخي العزيز والغالي أبو سفيان
مشرف عام المجالس

بعد التحية والتقدير ,,,

نهنئكم من وسط القلب بمناسبة حلول شهر رمضان المبارك أعاده الله علينا
وعليكم أعوامآ عديده ...... وكل عام وانت بالف صحه وسلامه .. , وكل الأحبه بمنتدانا الغالي والحبيب (( المجالس اليبنعاوية )) ..
http://www.zahrah.com/zpix/wel174.gif لعميد الغباوي

http://www.alhejaz.net/vb/images/miscram2/vbulletin_logo.jpg
لقد عشنا أيام ونحن نسمع ونقرأ بان الشاعر الكبير والقدير / محمد بن جميل الريفي (عميد الغباوي ) سوف تكون غباوية الرائعة حصرياً على قناة الساحة الفضائية ..

رغم ذلك .. كنا في عشم أن عميد الغباوي لن يترك هذه الصفحات الذهبية بمجالسنا الغالية (( المجالس الينبعاوية )) ..

فلغباوية نكهة خاصة جداً .. خلال شهر رمضان المبارك عبر مجالسنا الغالية ..


فمن القلب يسعدكم ربي ياعميد الغباوي ..

دمت لنا بخير ولاحرمنا الله منك ومن تواجدك الرائع ..


بكل شوق ..

ننتظر المسابقة الرمضانية الشيقة لمجالسنا الغالية (( المجالس اليبنعاوية )) .. مع غباوي الشاعر القدير / محمد بن جميل الريفي ...


شكراً



شكراً



شكراً للمجالس الينبعاوية .. التي سعدت جاهدة رغم أرتباط عميد الغباوي بقناة الساحة الفضائية ألا انها كانت على الموعد كعادتها

ماشاء الله تبارك الرحمن


للعام السادس على التوالي


لنا الفخر والاعتزاز باننا من أعضاء هذا المنتدى الرائع (( المجالس الينبعاوية ) )


نتمنى لكم التوفيق والنجاح الدائم

لكم محبتي واشواقي ,,,

اخوكم ومحبكم في الله
سلطان ينبع

مدير عام منتديات مجالس ينبع النخل

كل عام وانتم بخير ,,