دايم السعد
31-08-2007, 02:46 PM
ارتفاع الاسعار ... نار في نار ... والشعب ان هار .. تكفى يا ابو متعب !!!
----------------------------
يالله .. يالمعبـود .. يالنافـع .. الضـار
ياللـي علـى امـرك تستخيـل المخيلـه
بامرك تسوق الريـح خيـرات وامطـار
تحيـي هشيـم القـاع ويسيـل سيـلـه
يالله .. بوجهك عـن صودايـف الاقـدار
يالواحـد اللـي كلـنـا نلتـجـي لــه
يالله .. تلطف ستـر ستـرك يـا ستـار
مـا عـاد باقـي فـي يدينـي وسيـلـه
افكار .. تقبل بـي وتقفـي بـي افكـار
ولاهـو بـغـادي فالطـريـق الدليـلـه
صـدري غـدا بـه مثـل نقطـه ودوار
هموم تقفي عنه .. واخـرى تجـي لـه
كنـي علـى تفصـيـل الاخـبـار رادار
سمعت واللي شفـت انـا اشيـا مهيلـه
كلـه سبـب زود المعيـشـه يالاخـيـار
والزنـد يقـدح فـوق خشـم الفتيـلـه
لا والله الا ولعـت نــار فــي نــار
عـزي لكـم ياهـل الفلـوس القليـلـه
لعبـه محاكـه بالخـفـا بـيـن تـجّـار
وعذر الموزّع .. ( زاد سعـره وكيلـه )
من عقب الاسهم .. ضاع مشروع الاعمار
وقصرت يديـن اهـل اليديـن الطويلـه
ضحايا الاسهم ..( نصهم ) راح للشهـار
(والنص الاخر ) عاش عيشـه ذليلـه
والشعب هـلّ الدمـع مـدرار .. مـدرار
كنّـه علـى وهّــاج حــام المليـلـه
مـا عـاد يقـدر يدفـع قسـوط واجـار
والهمّ .. ياكـل مـا بقـى مـن حصيلـه
ماهيـب ملّـي صـارت القصـه امتـار
وكبـد المعنّـى مـن غثـاهـا عليـلـه
حتـى البهايـم تشتكـي رفـع الاسعـار
زاد ( الشعيـر ) ويـن تلقـى مثيـلـه
تكفى يا ابو متعـب تـرا شعبـك انّهـار
وضعـه تـردّا والـغـلا شــد حيـلـه
قايـد مفـدّى عنـد شعـبـك وبيـطـار
يالقايـد اللـي مــا رضيـنـا بديـلـه
يـا حـر ياللـي جاذبـك ماكـر احـرار
مالـك مـكـان إلا بــراس الطويـلـه
لا جـات عنـدك تنتهـي كـل الاشـوار
يصنـع لـك الممكـن مـن المستحيلـه
عاين بعين العطـف وتشـوف الاضـرار
شـوف الغـلا اللـي مبتليـنـا بميـلـه
يـا سيـدي حنـا لكـم وقـت الاخطـار
عون ٍ على الشـدّه .. سيـوف ٍ صقيلـه
حنـا قبايـل .. بـس لا ثـوّر غـبـار
مـن دوم عـرض الـدار نصبـح قبيلـه
مـن دونكـم حنـا متاريـس وجــدار
يـوم العميـل يخـون رفـقـة عميـلـه
والله يديـم الامـن وطـوال الاعـمـار
والله يحفـظ الـدار واهــل الفضيـلـه
قصيـدة اعجبتنـي بالحيل قلت انقلها لكم:
القصيدة للشاعر / جزاء البقمي
----------------------------
يالله .. يالمعبـود .. يالنافـع .. الضـار
ياللـي علـى امـرك تستخيـل المخيلـه
بامرك تسوق الريـح خيـرات وامطـار
تحيـي هشيـم القـاع ويسيـل سيـلـه
يالله .. بوجهك عـن صودايـف الاقـدار
يالواحـد اللـي كلـنـا نلتـجـي لــه
يالله .. تلطف ستـر ستـرك يـا ستـار
مـا عـاد باقـي فـي يدينـي وسيـلـه
افكار .. تقبل بـي وتقفـي بـي افكـار
ولاهـو بـغـادي فالطـريـق الدليـلـه
صـدري غـدا بـه مثـل نقطـه ودوار
هموم تقفي عنه .. واخـرى تجـي لـه
كنـي علـى تفصـيـل الاخـبـار رادار
سمعت واللي شفـت انـا اشيـا مهيلـه
كلـه سبـب زود المعيـشـه يالاخـيـار
والزنـد يقـدح فـوق خشـم الفتيـلـه
لا والله الا ولعـت نــار فــي نــار
عـزي لكـم ياهـل الفلـوس القليـلـه
لعبـه محاكـه بالخـفـا بـيـن تـجّـار
وعذر الموزّع .. ( زاد سعـره وكيلـه )
من عقب الاسهم .. ضاع مشروع الاعمار
وقصرت يديـن اهـل اليديـن الطويلـه
ضحايا الاسهم ..( نصهم ) راح للشهـار
(والنص الاخر ) عاش عيشـه ذليلـه
والشعب هـلّ الدمـع مـدرار .. مـدرار
كنّـه علـى وهّــاج حــام المليـلـه
مـا عـاد يقـدر يدفـع قسـوط واجـار
والهمّ .. ياكـل مـا بقـى مـن حصيلـه
ماهيـب ملّـي صـارت القصـه امتـار
وكبـد المعنّـى مـن غثـاهـا عليـلـه
حتـى البهايـم تشتكـي رفـع الاسعـار
زاد ( الشعيـر ) ويـن تلقـى مثيـلـه
تكفى يا ابو متعـب تـرا شعبـك انّهـار
وضعـه تـردّا والـغـلا شــد حيـلـه
قايـد مفـدّى عنـد شعـبـك وبيـطـار
يالقايـد اللـي مــا رضيـنـا بديـلـه
يـا حـر ياللـي جاذبـك ماكـر احـرار
مالـك مـكـان إلا بــراس الطويـلـه
لا جـات عنـدك تنتهـي كـل الاشـوار
يصنـع لـك الممكـن مـن المستحيلـه
عاين بعين العطـف وتشـوف الاضـرار
شـوف الغـلا اللـي مبتليـنـا بميـلـه
يـا سيـدي حنـا لكـم وقـت الاخطـار
عون ٍ على الشـدّه .. سيـوف ٍ صقيلـه
حنـا قبايـل .. بـس لا ثـوّر غـبـار
مـن دوم عـرض الـدار نصبـح قبيلـه
مـن دونكـم حنـا متاريـس وجــدار
يـوم العميـل يخـون رفـقـة عميـلـه
والله يديـم الامـن وطـوال الاعـمـار
والله يحفـظ الـدار واهــل الفضيـلـه
قصيـدة اعجبتنـي بالحيل قلت انقلها لكم:
القصيدة للشاعر / جزاء البقمي