ماطاع عذّاله.." خالد الفيصل"

[البحّار]

[
ياعمير نون العين مايقبل النوم=عاف الرقاد وكل غفواته احلام
ماطاع عذّاله ولو يكثر اللوم=ويحوم مع طير الهوا كل ما حام
متولع في حب حي من القوم =وزود عنا قلب على الحب مروام
حيّ سلب عقلي وانا فيه ملزوم =موالفه موالف الجسم للخام
ياعمير قلبي بالهوا رايمه روم=روم الولوه لطفلها قبل الافطام
لو هو معذبني عسى ابوه مرحوم=قلبيعليه يبدل المشي درهام
حبه صبغ بالقلب ياعمير ماشوم=ما ينمحي طول الليالي والايام
يزيد حبه كل يوم بأثر يوم=وياعمير من حبه تعرضت الاثام
ياعمير انا من زايد الحب مضيوم=شف دمك جسمي صابهالذبل وهيام
اضحك وقلبي بين الأضلاع مكظوم=واسكت وانا قلبي تعذبه الأسقام
انا الذي قلبي من الحب ماسوم=والعين هلت دمعها فرد واتوام
على عشير حط بالقلب مثلوم=ومكن صوابي بالحشا خشف الاروام
الحب قبلي له طواريق وسلوم=وحبي لمضنوني بفا كل الاحكام


من قديم شعر/ الأمير خالد الفيصل