البعير ابو 6 مليون

[بسام]

بسم الله الرحمن الرحيم
السلام عليكم ورحمة الله وبركاته


كيف حالكم يااهل الابل؟
قبل الصور هذي معلومات عن الفحل
الفحل ساسه من ابل ال هادي بن زايد من
ال مره،لمحمد بن علي ابن عمره وسومه6 مليون
وانتاجه طيب ويمتاز بالكبر وبعض الابل تتعب كثير اثناء ولادة
حيرانه من كبرها واللي يبي يلقح بمبلغ وقدره 80000 ريال(لليله) ههههههههه
،والبعير هذي صورته وشوفوا طوله بجنب الرجال
http://www.10neen.com/up/uploads/08634d2d09.jpg (http://www.10neen.com/up/)
وعلى شان ماتقولون يمكن الرجال قصير شوفوا طوله بجنب الشاص
http://www.10neen.com/up/uploads/47fa47b7b2.jpg (http://www.10neen.com/up/)



ست ملايين ادفعها في بعير



طيب افرض جاه مرض ومات وش تسوي بذي الحاله

واللي يعل كبدك عشان تلقح ناقاتك تدفع 80000 الف ريال



والله اروح افك لي كامري 2007 وكاله اصرف لي وعسى عمر ام ناقتي ماتلقحت ههههههههههههه

[زعيم المجالس]

اصحاب العقول في راحة يابخت الناقة الي يركبها \،

[جسار 2007]

المعذرة هذي الامور مايقدرها الاالرجال

[عيون القلب]

شوف قلة الحيا وصلت فى الجمال لحد فين. صاحب الناقه هو اللى يدفع يعنى الفحل ابن الفحل ماهو مكفيه البلاوى اللى يسويها
لا يطلب فلوس كمان. اقولها بكل بصراحه انت يا اهل الجمال اللى خربتو الجمال علينا ولا الفحل ما كان يرفع عينه فى الناقه حرام كذا 0 بسام لو سمحت شيل الفحل من هنا . ورينا عرض كتافك بلا مصخره

[smaart]

يااااااااااااااااااااااااااااااااااي ماشين في الشازليه

[الصريح]

الصراحة الاهتمام الزايد ببعض الامورفي الفترة الاخيرة مثل المزايين للابل وماشابهها والعصبية القبلية ورجوعها مثل المهرجانات للقبائل والاهتمام بالشعر وعمل المسابقات له يعتبر تراجع للمجتمع ونذير شر للمجتمع
ونسأل الله العافية وان لايؤاخذنا بما يفعلة السفهاء منا

[لمسات]

اقول اللي يدري يدري واللي مايدري يرقد بدري

[الناقد2007]

اصلا ما هو عاقل اللي يربي شيء اكبر منه

[المكافح]

الي مايطول العنب ,,,,,,
بس انا معاك في بعض الشي ست مليون زايدة شوووووووي

[محمد الربياوي]

الي مايطول العنب ,,,,,,
بس انا معاك في بعض الشي ست مليون زايدة شوووووووي

الا زايدة كثيررررررررررررررررررر
مو شوووووووووووووووووووي

[ساري ليل]

يستاهل الطيب و الجمل يسوي اكثر من 6 مليون وهذي الامور مايقدرها الا اهلها
( يبي يلقح بمبلغ وقدره 80000 ريال(لليله) !!!!!!!!!!!!!!!!!!!!!!
اهل البل مايخذون علي الفحل اجر

[ينبع]

أنا شفتت مزاد على تيسِ وصل إلى 380 ألف ريال
ورفض صاحبه يبغى فيه نصف مليون مقراط

هذا كله من قلة العقل والدروشة

[ساري ليل]

البعير هذا اسمه سويعيان
الخبر هذا كله كذب

اود ان انبه الى كونه كذب في السعر
وكذلك اخطأ على صاحب البعير بقوله( واللي يبي يلقح بمبلغ وقدره 80000 ريال(لليله)
فهذه ليست من عاداتنا ولا من عادات اهل الشيم وان كان هو ومن مثله وعلى شاكلته ينظرون اليها نظره تجاريه بحته
بعيدا عن السلوم والعادات والتقاليد الطيبه التي علمونا عليها من سبقونا من اللي فيهم خير من اباءنا واجدادنا

[تربوي10]

أنا أفكر لو نحره صاحبه وتصدق بلحمه أيش بيقول الناس عنه.
ولو أراد طبخ في قدر تشيله.
الله يعين صاحبه لو مات الجمل مات الجمل وماحمل .
الحمد الله أسود. الناقة ماترغبه .
مصدق الي يدفع 80000ألف في الليلة عقلة مثل عقل ناقته.

[إدارة المجالس]

الرسالة التالية وردت على بريد المنتدى .. ننقلها لكم كما وصلتنا .. ونهيب بأعضائنا الكرام التأكد من الأخبار قبل روايتها .. فنحن كما قال صاحب الرسالة لا يرضينا الخبر الكاذب ولا نحبذ نشره في منتدانا


السلام عليكم ورحمة الله وبركاته

ارجو التكرم بنقل هذه الرساله الى موضوع ابو 6مليون لاني حاولت التسجيل وكان موقوف التسجيل

هذا البعير انا من قام بتصويره وله موضوع خاص في منتديات مزاين وكذلك منتدى مكشات وقد اقتبس شخص ما من احد هذه المنتديات هذا الموضوع وقام بالتحريف فيه في قيمة البعير وكذلك في قوله ان صاحب البعير يطلب مبلغ 80000ريال وهذه ليست من شيم العرب بل يقومون باكرام من جاءهم
والخبر الكاذب لااعتقد ان ادارة المنتدى ترضى به او بنشره في منتداها وانا اود ان انبه الى ان هذا البعير سومه الصحيح 800الف وراعيه يقول مرحبا بمن اراد ان ياتي بابله ولا صحة للخبر المذكور اعلاه سواء كان اخونا صاحب الموضوع هو من قام بتحريف الخبر او من سائر الناس الذين وصلهم هذا الخبر عن قروب البحر

اخوكم ابو علي

[ساري ليل]

قلت لكم قبل تجيكم الرساله انضر في الرد رقم 11 و13

[refay]

شوف قلة الحيا وصلت فى الجمال لحد فين. صاحب الناقه هو اللى يدفع يعنى الفحل ابن الفحل ماهو مكفيه البلاوى اللى يسويها
لا يطلب فلوس كمان. اقولها بكل بصراحه انت يا اهل الجمال اللى خربتو الجمال علينا ولا الفحل ما كان يرفع عينه فى الناقه حرام كذا 0 بسام لو سمحت شيل الفحل من هنا . ورينا عرض كتافك بلا مصخره
يالاخو هذي امور مالك فيها روح حط لك حمام ودجاج والا البل ربوها عيال ابن سعود وعيال القبايل وهذا تراثهم ويفتخرون

[ينبعاوي يجرح ويداوي]

وا ويلكم يا صرافين

والله و أنا قاعد أقرا من أول شي و أن أقول خراشين

و فا الأخير تأكت