.. آخايله ساعة الإشراق

[انس الدريني]

..


..

..



أنس =
تعبت وأنا أسأل الأشواق=ليه إبتعد وأعلن فراقـي
وأنا على العهد والميثاق=رهنت له عمري الباقـي
ياسر
يمكن رأى شي ماينطاق=والا سمع قيل ونفاقـي
إعلم تراه الوداد وفـاق=غروب يأتي وإشراقـي
أنس=
لا لا حشى ماسمع لنفاق=ولا رأى شي ميطاقـي
لكن جعل للموده نطـاق=وفنطاقها ضيّق نطاقـي
ياسر=
حسبي على ملاوع العشاق=يأتي على عكس مايلاقـي
هل ياترى لشي فالأعماق=ولا بهوى غيركم شاقـي
أنس=
أخايله ساعة الإشراق=وأتابعه بقلب مشتاقي
لكنها لهفة المشتـاق=تهز في شعوره الراقي
ياسر=
أشجاني المنظـر البـراق=اللي رسمته على أوراقـي
يغني عن الشرح والأذواق=لوحه وإحساسهـا ناقـي
وأنا أدري إن الوداد إرهاق=لكنـه شعـور وأذواقـي
لاتظن جُل الموده عنـاق=لقلـوب ماتقبـل عناقـي

[الشاهين]

احاسيس راقية بروعة اصحابها .
لله دركم اخي انس وياسر .
لانملك غير الوقوف ادبا واحتراما للابداع واهله .

[انس الدريني]

..

فائق التقدير لشحصك الكريم أستاذي الشاهين
أسعدنا الحضور .. وأخجلنا الإطراء


أتمنى أن تجود الأيام بلقياك أيها الحبيب ..

دمت ياعزيزي

[ابو فواز]

ابداع من الطرفين الله يعطيكم العافية