إنت سعودي ... والخيبة .. إنت سعودي إذن أنت نصاب حرامي مغفل مؤذي قليل أدب وصايع

[الحكم الأول]

يعيش بيننا أناس من شتى أقطار الأرض
جاؤا وفي مخيلتهم أننا أبناء الصحابة أحفاد أولئك الرجال الذين فتحوا الأرض لنشر الهدل والحق ودين رب العالمين
يحملون الفضيلة والقيم والتسامح .
يحسبوننا لانعرف إلا القبلة والسجادة والمساجد والقرآن والصلاة ( ولازال منا أناس هذا ديدنهم ))

ولكن للأسف ما أن يطؤا أرضنا حتى يرون عكس ما تصوره
والسبب نحن أنفسنا .

ولنبدأ من المساجد
كم سعودي في المسجد
ما نسبة السعوديين إلى غيرهم
ثم شاهد تصرفات أبناءنا .. قلة أدب حتى في داخل المسجد
هذا يجري , وهذا يضحك , وهذا يزعق
وفي الصلاة ما في إلا دفدفة
ومرة واحد رمى ترويه ( مفرقعة ) علينا وحنا نصلي
واحد طفى الكهرباء والمكيفات علينا

بزرنا في الشارع شياطين إنس
قلة أدب وعدم تربية وانحلال خلقي يدل على انحلال وضياع اجتماعي
كل أصناف الرذيلة والانحلال
مخدرات . سرقات . تفحيط . مضاربات وهوشات . احترام الآخرين معدوم . وفئة متخصصة في أذية البنغال والعمالة عموما
تقديع حجار في أي اتجاهات . سفاهات وألفاظ بذيئة .

طبعا عندما يكون هذا حال الصغير
فما يكون حال الكبير
نصب على كبير
سرقة على كبير
أكل حرام
وعندم يسافرون إلى الخارج
وما أدراك ما في الخارج (( كانوا يتباركون بالسعودي ) )
أما اليوم أصبحنا مثلا للرذيلة فهو زان وعربيد وسكير
يصرف مارزقه الله تعالى بلا جهد ولا تعب فيما لا يرضي الله تعالى .
وللحديث بقية

[الزنكلوي]

أخوي الحكم الأول

كلامك صحيح ولكن أين المربي أين الناصح أين الموجه

للأسف الشديد أن المسؤولين عن هذا الدور لاهين في أعمالهم وتجاراتهم وأسهمهم

ونسوا حقوق المجتمع عليهم انهم أئمة المساجد ( الخطباء) اللي اقتصر دورهم في خطبهم

على المنقول يالله مشي حالك أهم شئ مكافأة الأوقاف آخر الشهر والباقي ما يهمش

الاصلاح يأتي من المنبر يجب أن تكون الخطب حول مشاكل المجتمع وطريقة حلها يجب التعاون

من أفراد المجتمع والمجاملات ثم المجاملات هي اللتي ضيعت مجتمعنا أسأل الله أن يصلح أحوالنا

[قاهرة الرجال]

آآآآآآآآآآآآآآآآآه يالقهر حقيقة ولوانها مرّه

[احمد2002]

وضعنا اصبح صعب مما تشاهده في الشوارع لاتريبه لا احترام الي متي

[سعودي مخلص]

لك حق بما كتبت وخصوص الاطفال في المساجد وهزيز الجولات

[سعودي مخلص]

شواطي ينبع بلا نظافة فمن المسؤل؟
عندما تذهب انت وعالتك او مع من تحب من اصدقئك لن تجد سوا النفايت وباقي فضلات الطعام
ألىمتي نحلم بشواطي نضيفة :cool: انتظر ردودكم

[هايم برضوى]

اسمح لي غصب عني تذكرت هذه القصه


كان رقمه بالمقعد الذي بجواري في الطائره وبعد السلام عليكم سالني الاخ سعودي ؟؟؟ قلت ايه والله سعودي وفي قلبي طاير من الفرحه واقول معقوله يكون شكلي للدرجه هذي لبناني ... عاد ليته سكت وخلى فرحتي تكمل الا قال والله ياخي اسمح لي عيونك تقل يماني واذانك اذان سعودي و شعرك تقل كشة سوداني (( لا ظريف الاخ )) ... الخ الخ الخ ... المهم انه باين عليه حبيب وطيب وهذا الشيء جعل مؤشر الخوف من ركوب الطائره يخف لكن للاسف بعض الناس وربي ما يعرف كيف يتكلم ولا يعرف ينطم اساساً وقالك بينكت وهو يسالني الحين لو اقلعت الطائره وطاحت بالبحر كيف بتقدر تعوم ويدك بالجبس ومعلقه برقبتك ؟ واكمل المدعو تنكيتاته بقوله شوووووف تراني دب ويالله اشيل نفسي يعني ماني منقذك (( تكفى يا الدلفين )) ... اما انا فوصلت الروح للحلقوم وصرت احس اني اتنفس من من عروق راسي ... المشكله انه يتكلم وهو يطالع بالجريده ولو لف راسه وشاف وجهي اللي صار بلون مكياج صباح الشحروره كان انكتم ... والظاهر انه سمعني وانا اتحلطم وسألني خير ياخوي اشفيك تكلم نفسك ؟ قلت لا ابد بس قاعد ادعي دعاء السفر واعوذ بالله من وعثااااء السفر ... وفوق هذا المضيفه كل شوي جايتني تقول افتح الدريشه ... افتح الدريشه ... لازم تفتح الدريشه قبل الاقلاع كن ما عندها بالطياره غيري (( الا عساني اشوفهم يفتحون قبرك بس بعد الهبوط عشان ما نروح كلنا بقبر واحد)) ...... يا عالم والله لو اشوف الارض وهي تبتعد عني ليجيني المخاض (( مخاض من نوع اخر لا تفهمون غلط )) ... المهم ان الطياره استوت في الجو وصارت كنها باصات النقل الجماعي ما تحس فيها بشي الا اذا بغى السواق يعشق القير على الرابع عشان يهدي السرعه تحس برجفه بسيطه وبديت اتأقلم بعد ساعه مع الوضع ... اخينا في الله بعد ما قرأ الجرايد التفت لي وقال وش رايك بالاوضاع السياسيه وهل ستضرب امريكا ايران؟؟؟ ... ترى والله ان ضربت ايران عز الله رحنا يا اهل الدمام بخرايطها لان ايران يمكن تضربنا بالكيماوي وصواريخها توصل لين فوق راسك.... اصلا الشرقيه منطقه غير امنه واللي يسكن فيها غلطان ومن يشتري له بيت فيها غلطان غلطااان غلطاااااااااان يااااولدي (( وش عنده عبدالحليم ))... وفوق هذا ارامكو قاعده تسحب بترول من الارض وصارت فيه فجوه بالارض يعني ممكن يصير انهيار ارضي ولا زلزلال يخفس بالشرقيه بمن فيها .... لحووووووووووووووول ولا قوة قلتها بنفسي طبعا... انا انسان احب الفرفشه وش جاب ذا العله المتشائم جنبي .... والمشكله رجال كبير وويبدو انه مثقف بس ضاربه فيوزه من كثر الثقافه ... واكمل الله يجزاه خير سواليفه وقال لي شوف بالله هالمضيفه شوف كيف ركبها طالعها وامط رقبتي واشوف الا وذيك الركب ياجماعه اللي تقول خدود طفل ما بعد طلعت سنونه وأقعد اتنهد ااااااايه أأأأأأأأأه أي بالله هذي الركب الصح هااااااااذي الركب الصح هااااااااااااااااذي الركب الصح هاااااااااااااا ذ ي ....ويدف راسي لورا ويقول لااااااا ما اقولك اوصف لي ركبها ولكن شوف اين وصلنا بالمعاصي يعني لو طاحت الطياره الحين وهؤلاء الكاسيات العاريات طاحن فوقنا كيف بتكون خاتمنا ....(( لااااااااااااااااااا اله الا الله حق لااااااااااااااا اله الا الله يبن الحلال ما صدقت النفضه راحت مني )) .... واكمل السندباد قائلا: انظر الى شبابانا وكيف وصل بهم الحال من سرقات وزنى واختطاف وقتل حتى ان الواحد صار ما يامن على عياله بالبيت ... واردف قائلاً : يعني تظمن ما ينط مجرم ببيتك الحين وانت مسافر ؟ ولو استمر الحال هكذا ستجد باننا اصبحنا مثل شيكاغو لا لا لا البلد صارت فوضى والقوي ياكل الضعيف ...المهم اني وربي بديت اشوف الدنيا سودا قدامي والمستقبل مظلم بسبب كلامه وتشاؤمه وان نجينا من ايران وامريكا ما بننجا من ارامكو وخفستها وان نجينا من ارامكو ما بنسلم من الفوضي والاجرام اللي بالبلد حتى اني يوم فتحت الدريشه ما قدرت اشوف الضوء بل جماااجم وخراب والدمار يعصف بالعالم امام عيني ... شوي وجايه المضيفه بالغداء (( ام ركب كنها خدود طفل )) وبينمااااااا نحن ناكل وصاحبي يقول تضمن الحين ان ما فيك سرطان ؟ ؟ ... شوف كم سنه لك تاكل من هالطحينيه لين تشبع جسمك بسرطاناتها ... شوف كم لك تاكل من هالمواد اللي اكتشفوا بعد عشرات السنين انها مسرطنه ... ياشيخ اتحدى اذا ما فيك سرطان .... (( الحين قالك بيوصل لي المعلومه بطريقه ذكيه )) .... صراحه رميت الاكل من يدي وقمت للمضيفه وقلت يا تغيرون الكرسي حقي يا تعطوني فلوسي و تنزلوني هنا (( متعود الاخ على التكاسي الصفر )) ... ويجي ذاك المضيف السوداني والمضيفه الخواجاتيه وياخذون اغراضي وينقلوني لدرجه رجال الاعمال الفاااااااضيه الا وفيه بشكة شباب و..و..و... احم وشباب برضه يلعبون كشينه وشطرنج ومفترشين الارض وادخل معاهم وضحك وفرفشه وشطرنج (( اصل انا من احسن عشره على مستوى العالم يصفطون علبة الشطرنج )) وهكذا طوال الرحله وما شعرت بالوقت الا والسواق يقول يله قم انت وياه اربطوا احزمتكم الله لا يهينكم ... وحنا نازلين الا واسمع واحد وراي بالممر الموصل من الطائره لصالة المطار يقول وينك يااااخوي ما كملنا كلامنا ... يوم شفته اظلمت الدنيا بعيني وبغيت اطيح على ركبي من الخضه وانا اردد تكفى تكفى داخلن على الله ثمن عليك داااااااااخلن على الله ثمن عليك انك تاكل تبن وتنطم خلني استمتع برحلتي ... وانا اتكلم وهو يردد شوووووف هالديره ترى ان سلمت رقبتك فيها ما بيسلم جيبك وان سلم جيبك ما بتسلم عقيدتك و.... و...



ليس والله انتقاصا من قيمة موضوعك ولكن فعلا لايجب التشائم لهذا الحد فلن يدع ذلك للتفائل والحياة السعيده طريقا
ولنضع الحلول ونبدأ بالتطبيق

[واضح وشفاف]

نعم لدينا هكذا أطفال ولدينا هكذا شباب ولدينا هكذا شابات ولدينا ولدينا ولدينا ولدينا............
السؤال: هل أطفالنا وشبابنا وشباتنا ورجالنا ونسائنا لديهم هذه التصرفات ؟
إذا كان الجواب (نعم) لماذا ؟ بسيطة جداً لأننا بشر بما تحمله هذه الكلمة من معنى وهل العيب فينا إن كان ما يحمله القادم إلينا من أننا ملائكة على الأرض ،لا هذا النقص فيه هو وهل هناك من يظن أن هناك ملائكة في الأرض بما تحمله الكلمة من صفات الملائكة .
أعزائي نعلم بأن الحال قد تغيرت والظروف تغيرت وكل شئ قديم قد تغير وأصبح عصري وشبابنا كثر أي نسبتهم 60% من سكان المملكة ولا ننسى أننا مستهدفون من أعدائنا بشبابنا ( الله يعيننا على كل هذا) .

المهم والخلاصة بأن كل ما يوجد لدى الشاب هناك لا بد أن مثله هنا لأن البشر واحد
والحمدلله أن أنعم علينا بنعمه والله أعلم لو كانت ظروف حالنا عند غيرنا كيف صار حالهم .
اللهم لا شماتة ( نحن الأفضل بديننا وإيماننا ويقيننا وبشبابنا).