المساعد الشخصي الرقمي

مشاهدة النسخة كاملة : مداعبـــــة للحــــــــــازم


الجهني
08-06-2002, 10:23 AM
أخي الحازم / اقبل مني هذه المداعبة


ياسلام وردة(ن) للنشامى الطيبين = تاصل الأحباب والنار من شبابها
قالوا ان الحازم اللي على تقوى ودين = جهّز الملعاب والنار من شبابها



تقبل تحياتي
======
اخوك الجهني
الحازم
08-06-2002, 03:49 PM
اخوي الجهني

تسلم على هذه المداعبه اللطيفه

وتفضل لاهنت


ياعساك تدوم ياصاحب العقل الفطين = أقرب الأصحاب والنار من شبابها
الحكم بالشرع ماهو ترى حكم اليدين = قول فيه أسباب والنار من شبابها


وتقبل تحياتي

اخوك / الحازم
الجهني
08-06-2002, 04:02 PM
هلا وغلا اخوي الحازم واشكرك على المشاركة وهذا من طيب أصلك


قبل ماتبدابها اسأل كبار المفتين = حتى لاترتاب والنار من شبابها
ويش حكم الملعبة في كتاب المسلمين = أفتنا بكتاب والنار من شبابها



افـــتـــنا بكتاب ( يمكن ماهي واضحة)

تقبل تحياتي وتقديري
===========
اخوك الجهني
الحازم
08-06-2002, 04:43 PM
خلوووووووووووووووها


النصيحه تاصلك من كلام الناصحين = والعقل له باب والنار من شبابها
لا انته الحاكم ولا انا بسلم الأولين = صلّ في المحراب والنار من شبابها


اخوك / الحازم
الجهني
08-06-2002, 04:56 PM
هلا اخوي الحازم

استلم لاهنت
=======

كان ماتعرف لها حكم ربك لك يعين = يفتح الابواب والنار من شبابها
علمها ياصاحبي عند ربع (ن)فاهمين = تحفظ الاحزاب والنار من شبابها




تقبل تحياتي وتقديري
===========
اخوك الجهني
الحازم
08-06-2002, 05:20 PM
تسلم اخوي على هذا الرد

واستلم لاهنت


العمر يالأجودي يحكمه مر السنين = وكل مذنب تاب والنار من شبابها
غلطة ابن ادم كتبها اله العالمين = أنقذه بغراب والنار من شبابها


اخوك / الحازم
الجهني
08-06-2002, 05:40 PM
تسلم اخي الحازم

استلم لاهنت
=======

من يتوب ويهتدي ربنا للمهتدين = يقبل التواب والنار من شبابها
وغلطة الشاعر ترى مثل شيطان لعين = تضيع فيها ارقاب والنار من شبابها



تقبل تحياتي
=======
اخوك الجهني
الحازم
08-06-2002, 05:52 PM
اخوي الجهني

تفضل لاهنت


تعتزي في لحيتك شعرتين وشعرتين = فوقها الأشناب والنار من شبابها
والله انك لو تحاول وتحلف باليمين = ماحسبت حساب والنار من شبابها


والبادي اظلم

اخوك / الحازم
الجهني
08-06-2002, 06:31 PM
اخوي الحازم / آسف على التاخير لانني كنت متابع لبرنامج البادية

استلم لاهنت
=======

اللحيةاللي قلتها وزنها وزن(ن)ثمين = قدروها اجناب والنار من شبابها
والمراوغ ياعميلي ترى لابالحصين = اشوف صار انشاب والنار من شبابها



وانا آسف جداً

تقبل تحياتي
======
اخوك الجهني
الحازم
08-06-2002, 06:42 PM
اخوي الجهني

بصراحه الجسله معاك ماتنمل

لكني مضطر للذهاب الآن

وان شاء الله نلتقي بعد صلاة العشاء

وتقبل مني هذين البيتين


ياعميلي فالشعر فيه جيم وفيه سين = والصقر وش جاب والنار من شبابها
كان طالت صار وسط الصدر حقد دفين = والسبع له ناب والنار من شبابها


مع تحيات

اخوك / الحازم
الجهني
08-06-2002, 06:55 PM
أخوي الحازم عليك بياض الوجه ياالطيب والله انك شاعر كبير وانا اعتبرها مغامرة مني اني ادخل معك في محاورة لأنني مبتدئ وليس لي الخبرة أن أقابل شاعر مثلك
أنا آسف وأرجو السموحة ياالغالي والله لايجيب احقاد بين الاخوان
ونحن في انتظارك مع الأخ ضمن لنستمتع بمحاورة شيقة بين عملاقين من عمالقة شعر الرد
ننتظر بفارغ الصبر الساعة الحادية عشرة

وتقبل مني الختامية
==========

يوم شفنا الموعد اللي تحدد محترين = نعدها بحساب والنار من شبابها
وكان وفق ربنا تطلعون الكاسبين = ماتروح اذهاب والنار من شبابها


اكرر اسفي


تقبل تحياتي وتقديري
=============
-----اخوك الجهني ----
الحازم
08-06-2002, 10:15 PM
اخي العزيز والغالي الجهني

شهاده من شاعر مثلك انا اعتز فيها

وبيض الله وجهك على هذه المحاوره الممتعه

ومثل ماقالو قبلنا مزوح وتروح

ترى قصدنا التسليه والمداعبه لاأكثر ولاأقل

واعتذر اذا بدر مني اي شئ

والله يعطيك العافيه

اخوك / الحازم