وحيدة السعودية
13-06-2007, 01:18 AM
الناس هذا مقيم وذاك ركبه محيل=وايامنا ما تساعفنا ولو هي تطول
لا عاد يومٍ لفاني فيه علم الرحيل=مادت بي الأرض والإنسان طبعه جهول
بكيت والعود قبلك مات مامن حصيل=إلا إن موتك دهاني يوم فكري عَقول
الله يرحمك ياراع الوفا والجميل=يالطيّب اللي ذكرتك حول من عقب حول
مثلك مع الناس خطواته تنير السبيل=علمتنا وأنت راع الأوله وش نقول
نقول ظلك لنا ذيك الليالي ظليل=أيام لا ظل نرجو فزعته أويعول
أذكرك ما يوم في بسمتك كنت البخيل=وأذكرك تمشي وفي يمناك نور العقول
كنك على الأرض من نفحات طيبه عليل=لاهب ذكرك حمدك الناس عرضٍ وطول
العلم زانك وربعك هم ملاذ الدخيـــــــل=منهو زبن جالهم ما هو لتركه عجول
يا الجار كم جار جارٍ بالمواقف هبيل=واجرى على الجار من زنده ردي الفعول
إلا أنت طيبك غلبنا يالكريم النبيل=ياللي بدنياك لك نبراس هدي الرسول
ما ملت يوم الليالي ميّلت من يميل=تضحك بوجهي وأنا قلبي حزين وخجول
ما قلت هاذي يتيمه حط وإلا تشيل=ولا شفت مِّنك مصّدة من فوآده ملول
ليما نحتنا الليالي وأنت ذكرك جميل=نذكرك بالخير والدنيا تصول وتجول
إي والله ابكيك كني فوق حام المليل=مثلك عليه الرجال تصيح وأم الحجول
الله يرحمك ياراع الوفا والجميل=يالطيّب اللي ذكرتك حول من عقب حول
لا عاد يومٍ لفاني فيه علم الرحيل=مادت بي الأرض والإنسان طبعه جهول
بكيت والعود قبلك مات مامن حصيل=إلا إن موتك دهاني يوم فكري عَقول
الله يرحمك ياراع الوفا والجميل=يالطيّب اللي ذكرتك حول من عقب حول
مثلك مع الناس خطواته تنير السبيل=علمتنا وأنت راع الأوله وش نقول
نقول ظلك لنا ذيك الليالي ظليل=أيام لا ظل نرجو فزعته أويعول
أذكرك ما يوم في بسمتك كنت البخيل=وأذكرك تمشي وفي يمناك نور العقول
كنك على الأرض من نفحات طيبه عليل=لاهب ذكرك حمدك الناس عرضٍ وطول
العلم زانك وربعك هم ملاذ الدخيـــــــل=منهو زبن جالهم ما هو لتركه عجول
يا الجار كم جار جارٍ بالمواقف هبيل=واجرى على الجار من زنده ردي الفعول
إلا أنت طيبك غلبنا يالكريم النبيل=ياللي بدنياك لك نبراس هدي الرسول
ما ملت يوم الليالي ميّلت من يميل=تضحك بوجهي وأنا قلبي حزين وخجول
ما قلت هاذي يتيمه حط وإلا تشيل=ولا شفت مِّنك مصّدة من فوآده ملول
ليما نحتنا الليالي وأنت ذكرك جميل=نذكرك بالخير والدنيا تصول وتجول
إي والله ابكيك كني فوق حام المليل=مثلك عليه الرجال تصيح وأم الحجول
الله يرحمك ياراع الوفا والجميل=يالطيّب اللي ذكرتك حول من عقب حول