إلى الأديب أبو عماد والشاعر أبو نواف والأخ ريبال والحاضر الغائب أبو تركي ...!!

[دايم الود]

أبحرت في مركبي وحدي = أتأمل الماضي اللي فات
أيام كان الأمل وردي = والقلب يترقب اللحظات
وللآن باقي على ودي = رغم االذي شفت من لوعات
والود ماهو على عهدي = معقول حس المشاعر مات

مع خالص تحياتي : " دايم الود "

[خالد القليطي]

كلام كبار ياأبوياسر عاداتك يامعلم لله درك


هوّه كذا كل مانبدي=يردنا الشوق له خطوات
بحر الهوى خذ فيه وإدي=إروي فؤادك منه مرات
وتقول آنا هنا حدي=قدام يصْل العنا للذات
ليل المودين مايجدي=لعانق الآه والحسرات

[ريبال]

ياصاحبي استمع ردي =للي بدا عندنا جابات
كلّ الأماني لها ضدي =تسبح معك في فلك دورات
مايختلط هزلها جدي=فيها مراره على جرعات
والود كما شيحة البردي=ماترتوي من سقو نوبات

[أبو عماد]

مديت لأهل السفر يدى =بالورد قلت أجعله شربات
أقدمه فى مدى ردى =عن التعب وأنشد الرّاحات
ياقلوب درب الهوى هدى =مشاعر الود حسّاسات
لا شافت الجو ما يودى =ترسى وللنوخذه نظرات

[القالط]

شكرا يابو ياسر على الكسره المؤثره

دمعي تهامل على خدي = وخليتني بين خذ وهات
الود ياما وقف ضدي = ومرات ياقف معي وقفات
لوعاته الود ماتعدي = ذكراه تأتي مع الحايات
ماشاعر الود ماتصدي = احساس يبقى مع الاهات

[دايم الود]

أعزائي أساتذتي الأكارم :
حين تعجز الكلمات عن التعبير ....
يخونني دائماوصف مافي نفسي
من مشاعر تجاهكم.. فأسمحو لي
إن حصل مني شيء من التقصير ....!!!
لقد أثلجت ردوكم صدري وتبين
أن المشوار ما زال طويلا بانسبة لي ...!!

مع حفظ الألقاب وحسب ترتيب الردود ..

أبو تركي :
ليل المودين ما يجدي ...... لمعانق ألأه والحسرات

أبو يزيد :
والود كما شيحة البردي .... ماترتوي من سقو نوبات

أبو عماد :
ياقلوب درب الهوا هدي .... مشاعر الود حساسات

أبو نواف :
مشاعر الود ما تصدي ... إحساس يبقى مع الآهات

لله دركم جميعا !!!
مع خالص شكري وتقديري ...

" دايم الود "