ياسر الكبيدي ـ خليل [الأرشيف] - المجالس الينبعاويه

خليل

15-05-2007, 01:27 PM

ياسر
إعـداد مايـوزن الـوزان = واعداد منهُ تنحـى وشـد
سلام راجح على الميـزان = زوار جينا لكم مـن بعّـد
خليل
راعي محل بيننا سلطـان = لاجيت في ديارنـا وتعـد
يامرحبا 00واعذب الألحان = انصيغهـا لابغيـت تمـد
ياسر
كمول مافيكـم النقصـان = راعي وجب فاللزوم تسـد
يغيب مابيننـا الشيطـان = والأن ياصاحبـي بنّشـد
خليل
هات الّذي عندكم بإتقـان = نعطيك حكم العدالـه جّـد
وعلى حسب مايجينا الأن = حنا معك نستمـع ونـرد
ياسر
إقرأ معي طالـع العنـوان = ومن بعدها استمع للسـرد
يافلان بشكي عليك فـلان = لجله سبب مدمعي والسهد
خليل
كلاً حسب معدنـه ويبـان = والناس بين العطاء والصد
ماحي سالم مـن الخـلان = وتبقى المواقف لهم تشهد
ياسر
اللي سباها القلوب وكـان = له في سعود الليالـي يـد
عامين قاسي معي مـالان = يقسى على رغبته بالعنـد
خليل
كمل الهوى يجذب الولهان = ولاحد حوله عليـه يحـد
لوكان في نيّتـه رغبـان = مازاد عنّده وصعّـر خـد
ياسر
مسكين مايحسب الحسبان = ولاقدر مودّه اللـي يـود
ياخل في مذهبه من شـان = بنود ضيع مكاسـب بنـد
خليل
هيا استمع نشّرة القرنـان = اللي صدرت في قرار مود
عمر الهوى ماصفا لإنسان = يبقى معه بين جزر ومـد
ومادام مانت معه كسبـان = وكسّبه معه في حسابه سد
عليـه لاتكثـر الأحـزان = لاسارفـي موقفـه معتـد