كشكول خواطر جديده في 05/05/2007 م

[ياسر الكبيدي]

( 1 )

ماتحن ياجارح أحبابك = ماترق مالله عطاك إحساس
أجيك أبكي على بابك = وأنت تضحك عليا الناس

( 2 )

اللي لهم دمعي القاطر = سنين يذرف من عيوني
تعلموا كسرة الخاطر = كل يوم ساروا يبكوني

( 3 )

ياللي حياتي بدونك زيف = متجرده من محاسنها
قلي حياتك بدوني كيف = في فرحها وفي محازنها

( 4 )

يامن سكبت الهوى في كاس = وأعطيتني أياه من قلبك
ماهمني حب كل الناس = بس الذي يهمني حبك

( 5 )

قتلتني ياكفاك الله = ياناعس الطرف يامدلل
ياحاكم سهوم مستله = أرسلتها وجات في مقتل

( 6 )

أعطيتك القلب بعروشه = وشريان دمه وأسراره
وغيرك من الناس ماينوشه = أسمك كتبته على جداره

( 7 )

جيتك وانا معترف بخطاي = اللي عليا وسويته
وأرجوك لاتلومني فالجاي = دام العشم منقفل بيته

( 8 )

من غيرك الوقت مايسوى = يانور عيني ياسيد الكل
وقلبي على البعد مايقوى = يافل يسعد صباحك فل

( 9 )

ياطير للمبتلي ظاهر = ياقاطع الأرض عرض وطول
أرجوك روح إلى ساهر = قله ترى حالتي في نزول

( 10 )

ماكف جاري مدامعنا = اللي ضناه الفراق وطاح
زود علينا مواجعنا = مقسم على العين ماترتاح
مجروح رافض يطاوعنا = جارح وينعيك يالجراح
ياليتنا ماتوادعنا = والكل منا فطريقه راح

مع خالص التحيه

[المعلم]

أخي ياسر الكبيدي
الله يعطيك العافيه
فعلا خواطر جميله جدا
لاحرمنا الله تواجدكم
تحيتي لك