مافيه بين الفلوب خلاف

[أبو فياض]

غايب وحاضر ولا ينشاف=ماغير رسمه يطمني
مافيه بين القلوب خلاف= والصوت كمله قطع عني
من بصمته نعرف الاوصاف =صورة عيونه تخايلني
قلبي وطن قلبه الشفاف =واحساسي إنه جزء مني
12/3/1428

[ابو فواز]

نبع ياعسل بدأت اليانبيع تتفجر
تقديرواعجاب بالقايد الفطن دمت بكل خير

[المعلم]

العزيز أبو فياض
مشرف شعر الكسرة وشاعر المجالس
قلبي وطن قلبـه الشفـاف.............واحساسي إنه جزء منـي

كل أبيات الكسرة وافية
لكن هذا أثار فضولي
تعبير ولا اروع
تحيتي لك

[أبو سفيان]

سلمت يا أبو فياض على هذا الإبــداع

بس لا تكون هذه غبــوة ..وتحتاج إلى تكسير ..

[محمد علاقي]

ياسلام يابو فياض ايش بقيت لنا
اهنيك من كل قلبي على الابيات الجميله التي سطرت من قلب
مفعم نزيه بس كسره بمليون كسره الله يعطيك العافيه
دمتم بخير

[خليل]

مشاركة
ابغا معك اشترك بالقاف = واقطع به الشك في ضني
من ما حصل بالمثل ينعاف = ولاعاد يجزي ولا يمني
واصبح كلامه هدر و اسفاف = وكلاً على ليله يغني
وحتي يجي للأمر انصاف = صاحبك مبعد ومتأني
مع تحيتي

[زرياب]

الغااااااااااااااالي
ابوفياض
استوقفني صدق المعاني
واعترضتها بالمشاركه
فالمعذره سلفا


انت الذي دائما ميلاف=متصافي الفكر متهني
راعي وفاء مايجيك اجحاف=منك الوفاء دوم ممتني

=ابوسعود

[أبو عماد]

لاأجد تفسيرا أقرب من أن أقول
طالعتها فى جمبل اضفاف =اللى عن أوصافها تغنى
صورة على ابعادها أطياف =تصرخ على شوقها دعنى
فى مواجه الود باستلطاف =ابعاد الأجساد وش يعنى ؟
لتباعدت والقلوب انظاف =أكيد الأرواح تتبعنى

ولعلى أبلغ به مشارف حرفك الجميل

[أبو فياض]

اخواني الاعزاء
الاستاذ المعلم

الاستاذ ابو سفيان

الاستاذ محمد العلاقي

الاستاذ زرياب

سلمتم وشاكرا لكم مروركم
وجميل العبارات وحسن التناء

اما اخي الاستاذ خليل
فاقول لك قد وحشتنا
ياغالي وردك استوجب الرد






حللت في نظرة العراف=وظني اذ قلت يفهمني
إن شفت بعض العقول خفاف=ماحد لها كان متبني
والعاقل يميزالصفصاف =وانت رجل فاهم وفني

لاحزب نرضى ولا احلاف= ابد ولا نقر متجني
مثلك مانرضى عليه اجحاف=وننصفك لو كان من جني
لاتحاسب الروس بالاطراف=وتقرر البعد متعني

[عبدالله باخت]

يا سلام يا أبو فياض

مشاعر



رقة


داخل قلب شاعر مرهف0

[أبو فياض]

لتباعدت والقلوب انظـاف=أكيـد الأرواح تتبعـنـى
ابو عماد كانت جسدا وحسدت لها روحا
جبت اللي انا ادور عليه ياابو عماد
حقيقه هي كذا اهم شىء ان تكون
القلوب نطاف ينكسر امامها كل حاجز

[أبو فياض]

ابو احمد يسلم لسانك

وشكرا على العبارات الاخويه
ولا استغرب هذا الثناء
وفيض الاحاسيس
غالي ولك منزلة سلطان=اقولها بعد شفــــناكم
دللت مع صادق البرهان= انه على الطيب مبداكم

[عبدالله باخت]

استاذي الفاضل

أبو فياض

صح بدنك ياغالي


يا مرهف الحس يا انسان=جم الادب نطق منباكم

منك الوفاء انكتب عنوان=ودايم على الطيب القاكم

[معاذ]

عندي على قولكم إرداف=حسب الذي شفت يجعلني

اقول ما للحلول انصاف=في قولة الحق في قني

ايدي امينة لها ميقاف=عن واجب الناس ما توني

يسلم لنا طاقم الإشراف = من قايد الصرح للفني

[أبو فياض]

اعجبني العزف والعزاف=وصدق الاحاسيس طمني
صوتك شرف للصدور يضاف=اقولها صدق للمعني
على كذا طابع الأشراف= للخير بالخير قوني
لاصرت ماشي عدل ماخاف =و رجال شرواك تضمني

[خليل]

لاتحاسب الروس بالاطـراف = وتقـرر البـعـد متعـنـي

على راسي من فوق يابوفياض ولااقول من قولكم شي لكن وجب الشكر
،
،

مثلك لإهل الأدب ينضاف = يرقى به الحرف مايدنّي
وللقيل قنّه وله ميلاف = عرفتها من صغر سني
كنت احسبه شارف المهياف = ومن ماجرا فيه حزّني
لكن لقيتك معه سياف = في قولت الحق00 طمّني
مع تحيتي

[أبو فياض]

ياسلام يابو هاني
قطعت الشك باليقين
وشكرا على الثقه ونحن سنعمل
كل مايرضيكم ويريحكم دون المساس
بالغير طلما حافظ على حقوق الاخرين