يقول الشاعر . اعارض منهج الهابط

[المؤشرالعام]

اعارض منهج الهابط واوافق للصعود صعود=واسيّر نفسي بعقلي مدام النفس هدامه
انا ربتني الدنيا على جزل العطا والجود=وترى لا خير في رجل لاشاف الذل لثم لثامه
ارد الجود بامثاله واقابل بالجحود جحود=ونفسى للوفاء والطيب وفعل الخير عزامه
ومن له بالزمن مقبل والى وين الليالى تقود=ومن هو فالزمن يقدر يوجه خطوة اقدامه
لقينا بالعرب حاسد وشفنا بالعرب محسود=وبه ناس لنا ضامت . وبه بالناس منضامه
وينقص بعضنا خوه وينقصنا وفاء وعهود=مدام ان الحسد باقي وبعض الناس نمامه
تجنب كسرة الخاطر ولو ان الحبل مشدود =تراك بكسرة الخاطر حكمت القلب بإعدامه
ولا تخطى . ترى لصبر الحليم اليا سلاك حدود=تروي واعرف بضرب الحديد تفكك لحامه
ولا تزعل على رجل بذلك ولرضاك جهود=ولا تأمن من الحاسد رضاه ورفعة ابهامه
طموحي يملأ العالم ولابه للطموح قيود=مدام ان الامل طبعى عرين وصرت ضرغامه
خلقنا الله من تربه ولأحضان التراب نعود=ولا يبقى من الميت سوى ذكراه وعضامه
وانا ما قلتها راجي ولا اطلبها بعد مردود = ولكن الفتى وده يحقق جملة احلامه
صحيح اني اواجه حقد ولكن قدها وقدود=وانا عندي مع الدنا مواقف ترفع الهامه
انا بلغت بالساني وربي والانام شهود=وصحف البينه جفت وعنها رفعت اقلامه

[المعلم]

طموحي يملأ العالـم ولابـه للطمـوح قيـود...............مدام ان الامل طبعى عرين وصرت ضرغامـه
خلقنا الله من تربه ولأحضـان التـراب نعـود...............ولا يبقى من الميت سـوى ذكـراه وعضامـه
وانا ما قلتها راجي ولا اطلبهـا بعـد مـردود.............ولكـن الفتـى وده يحقـق جملـة احـلامـه

شكرا لك المؤشر العام
وصح لسان الشاعر