وش ينفع المعذار بعد ضربت الفاس

[عبدالله باخت]

الله من هما وفى القلب هوجاس=سيطر على فكر الشقي واستحله
ماينام مثل الخلايق ومنحاس=وسقم السهر للعين بالحيل عله
جاعل لها ميزان والعقل مقياس=والعاقل الموزون عقله يدله
مايقبل الناقصه رجال حساس=ومنهو سعى للمجد لابد يصله
من يدمح الزلات كساب نوماس=واللى يعز النفس يلقى محله
عزيت نفسي وفالعز نبراس=ولا اعيش مرخي الراس عيشت مذله
جرح العدو اهون من اقرب الناس=ياعارفين الضيم من ذات خله
خلاً يقدم لك السم والصبر فى كاس=ويقول مشروب فنجالها كيف دله
تدراء وتبقى مكانه عالي الراس=والطيبه يردها لك بالف زله
ناساً تواسيني وتقول ماباس=ونجر الغضب فالقلب ناره تجله
وش ينفع المعذار بعد ضربت الفاس=وسقم الحشى محدا علاجه وصله
صحيح بين الناس لجين ونحاس=لكن الذهب تلقاه فالسلم قله