أطفال دور الحضانة

[عبد الإله]

القطره اللي عن حيانا تذرا= من بعد ماطاحت بلا برق ورعود
طاحت زمان الصمت خجلى وحرا = ولالان فوق الأرض من شانها عود
صارت زوايا الأرض منها تعرا = وحل الجفا مابين والد ومولود
من وين هلت يازماني تحرا = واكشف خفايا الزيف وانيابه السود
الله على من بان طيبه وسرا = في خافقه حيات واشكالها شود
من هان بعضه في حياته وفرا = بعضك معك لورحت ماعنه محشود
افتح معي واكتب على ماتورا = وارسل مع الحسرات آهاتي شهود
طفل على الويلات عمره مضرا = باول ليال العمر جازوه بصدود
جابته امه عن حنانه تبرا = من خوفة العساس جابته بركود
تمشي تجر الرجل بالكاد جرا = والكبد فيها من لواهيب ولهود
ومن قبل ما تعطف عليه وتدرا = صار الحويربآخر الليل مفرود
لحظه وصارت عن حياته تدرا = كن الخطيه منه والعمر ممدود
تطوي معه صفحه وصفحات برا = فيها من اللوعات والعزر والكود
شي يبين وداخل القلب قرا = همٍ معه يكبر وكل يوم في زود
يامن على حد الإله يتجرا = وفي طاعة الشيطان يمشي بلا قود
إحذر من الزلات والبوق شرا = فضيحته قدام واليوم مشهود